როგორც გამოცემა People იუწყება, სერიალ Stranger Things-ის მსახიობი მილი ბობი ბრაუნი და მუსიკოს ჯონ ბონ ჯოვის ვაჟი, 22 წლის მოდელი ჯეიკ ბონჯოვი, დაქორწინდნენ. წყვილმა ქორწილი ახლობლების გარემოცვაში,
მედიაში სიახლის გავრცელების გარეშე გადაიხადა. ქორწილის ცერემონია შეერთებულ შტატებში შედგა და მას ოჯახის წევრები ესწრებოდნენ. როგორც ცნობილია, ბრაუნს და ბონჯოვის უფრო მაასშტაბური ცერმონიაც აქვთ დაგეგმილი, რომელიც მიმდინარე წელს, ცოტა მოგვიანებით შედგება.
მილის და ჯეიკის ურთიერთობა 2021 წელს დაიწყო. გასულ წელს წყვილმა ნიშნობის შესახებ სიახლე ინსტაგრამის მეშვეობით გაავრცელა. მილო ბობი ბრაუნმა სოციალურ ქსელში გამოაქვეყნა ფოტო, სადაც მას ნიშნობის ბეჭედი უკეთია. Მსახიობმა ფოტოს ტეილორ სვიფტის სიმღერა Lover-ის ტექსტი დაურთო.
ამ ამბიდან რამდენიმე თვეში მილი ბობი ბრაუნმა ჯეიკ ბონჯოვისთან ურთიერთობის დაწყებაზე ისაუბრა და გაამხილა, რომ კომუნიკაცია ინსტაგრამზე შედგა. „საუბრის შემდეგ უკვე ვიცოდი, რომ ის ჩემი ცხოვრების დიდი ნაწილი იქნებოდა. როცა ერთმანეთს შევხვდით, ერთმანეთის გარეშე ყოფნა აღარ გვსურდა,” – აღნიშნა მსახიობმა Sunday Times-თან საუბრისას.
