2020 წელს ქართველი პიანისტი ხატია ბუნიათიშვილი Cartier-ს სახე გახდა. მას შემდეგ ის არაერთხელ ვიხილეთ მსოფლიოში ცნობილი სამკაულების ბრენდის რეკლამებში ცნობილ ვარსკვლავებთან ერთად. ამჯერად კი ბუნიათიშვილი Cartier-ს ახალ სარეკლამო ვიდეოში გამოჩნდა.
„რა არის შენი შინაგანი ცხოველი?” – კრეატიული კამპანია ამ კითხვას სვამს და მასზე პასუხებს ვისმენთ ისეთი ცნობილი ადამიანებისგან, როგორებიც არიან მონიკა ბელუჩი, მელანი ლორანი, დემი მური, ჟულიეტ ბინოში და რემი მალეკი.
რაც შეეხება ხატია ბუნიათიშვილის საერთაშორისო კარიერასა და მის პერსონას, პიანისტი არაერთხელ გვინახავს მსოფლიო პრესის ყურადღების ცენტრში. 2024 წლის იანვარში პიანისტმა პარიზში Opération Pièces Jaunes-ის სახელით ცნობილი ფრანგული ფონდის კონცერტზე რეპერ Asap Rocky-სთან თანამშრომლობით შექმნილი მუსიკალური ნომერი წარადგინა.
