2016 წლის შემდეგ ჯეი-ზი და ალიშა კისი პირველად გაერთიანდნენ Empire State of Mind-ის შესასრულებლად. მუსიკოსებმა ნიუ-იორკის ჰიმნი, რომელსაც წელს 15 წელი უსრულდება, 2024 წლის Tony Awards-ზე მათ მშობლიურ ქალაქში შეასრულეს.
ალიშა კისი თავდაპირველად სცენაზე Hell’s Kitchen-იდან დუეტის შესასრულებლად გამოვიდა. მიუზიკლი, რომელიც თავად მომღერლის ცხოვრებასა და შემოქმედებას ეხება, Tony Awards-ის 13 ნომინაციაზე იყო წარდგენილი, რომელთაგანაც ორში გაიმარჯვა.
ამის შემდეგ კი კისი მაყურებლებთან ჩავიდა და თქვა: „ახლა რაღაც გიჟური უნდა გავაკეთო – ეს ჩემი მშობლიური ქალაქია.” ამ დროს კი სცენაზე ჯეი-ზი გამოჩნდა. „დიახ, ბრუკლინი და ნიუ-იორკი დღეს Tony-ზე,” – თქვა რეპერმა.
Empire State of Mind 2009 წელს გამოვიდა, როგორც მთავარი სინგლი ჯეი-ზის ალბომისა The Blueprint 3. ნიუ-იორკის ჰიმნი ნელ-ნელა ბრილიანტის სერტიფიკატისკენ მიიწევს, რადგან ამჟამად 9 პლატინის სტატუსის მფლობელია. გამოსვლის წელს Სიმღერა Billboard Hot 100-ში 5 კვირის განმავლობაში ლიდერობდა.
ეს კვირა, სცენაზე დაბრუნების კუთხით, ჯეი-ზისთვის საკმაოდ დატვირთული აღმოჩნდა. რამდენიმე დღის წინ ის ასევე გამოჩნდა ფეხბურთელ ტომ ბრედის Patriots Hall of Fame-ში შესვლის ცერემონიაზე, სადაც Public Service Announcement (Interlude) შეასრულა.
Ნახეთ ალიშა კისის და ჯეი-ზის გამოსვლა:
