სოციალურ ქსელში კორძიმ მსმენელს ახალი კომპოზიცია გაუზიარა. ნაწარმოებზე, სახელწოდებით goodrhytm, მუსიკოსმა მუშაობა 6 წლის წინ დაიწყო, მისი გამოქვეყნება კი მხოლოდ ახლა გადაწყვიტა.
კორძი:
„ზოგადად, დღევანდელ დღეს მუსიკის გამოშვება ცოტა გაუგებარი ამბავია. ზუსტად არავინ იცის, როგორ ებრძოლოს ალგორითმებს, რომ ეს მუსიკა მსმენელამდე მივიდეს. ამ სიტუაციის ფონზე კი ხანდახან მოტივაციაც მეკარგება, რომ საერთოდ რაიმე დავდო. მაგრამ არც დანებება მგონია სწორი. ამიტომ ვფიქრობ, რომ მაინც ჯობს, ყველაფერი გამოვუშვათ, რასაც ვქმნით.
goodrhythm ჩემი ბოლო გამოცემული კომპოზიციაა, რომელზე მუშაობაც 2018 წელს დავიწყე. ბევრი რამ შევცვალე და შემდეგ უბრალოდ თაროზე მედო, რადგან არ ვიცოდი მისთვის რა მექნა. ახლა კი, შემთხვევით, ჩემი ბრიტანელი მეგობრის, რობ შუთსის ნახატი აღმოვაჩინე, რომელიც თავად გამიკეთა რამდენიმე წლის წინ. ისე მოხდა, რომ ძალიან მოუხდა ამ ნაწარმოებს და ასე უცებ, stockton records-თან ერთად, გადავწყვიტეთ, რომ goodrhythm საბოლოოდ გამოგვექვეყნებინა.”
მოუსმინეთ კომპოზიციას goodrhythm:
