The Weeknd-ის, Madonna-სა და Playboi Carti-ს სიმღერა Popular კიდევ უფრო პოპულარული ხდება. სინგლმა ამერიკის ხმის ჩამწერი ასოციაციის მიერ პლატინის სერთიფიკატი მიიღო, რაც 1 მილიონ გაყიდულ ჩანაწერს ნიშნავს. The Weeknd-ისთვის ეს 42-ე პლატინის სტატუსია, მადონასთვის მეშვიდე, ხოლო Carti-სთვის მეოთხე.
Popular 2023 წლის 2 ივნისს XO-სა da Republic Records-ის მეშვეობით გამოვიდა. სიმღერა HBO-ს სერიალ The Idol-ის საუნდტრეკია. Popular-ის ოფიციალური მუსიკალური ვიდეოკლიპის დებიუტი ექსკლუზიურად Frontine Festival-ის დროს, თებერვალში შედგა.
სიმღერამ Billboard Hot 100-ში 43-ე ადგილი დაიკავა და მე-14 ადგილზე გავიდა ჰიპ-ჰოპის სიმღერების ჩარტში. Popular-ით მადონა იმ არტისტთა სიაში შევიდა, რომელთა სიმღერებიც Hot 100-ში უკვე ხუთი ათწლეულია, ხვდება. მადონასთვის ეს ასევე პირველი პლატინის სერტიფიკატია Hung Up-ის შემდეგ, რომელმაც ეს სტატუსი 2008 წლის აგვისტოს მოიპოვა. მანამდე კი, იმავე წლის ივნისში მომღერალმა პლატინის სერტიფიკატი ჯასტინ ტიმბერლეიკთან თანამშრომლობით შექმნილი სიმღერისთვის 4 Minutes მიიღო. ამ კვირაში კი მადონას კიდევ ერთი სინგლი გახდა პლატინის სტატუსის მფლობელი – 1986 წელს გამოსული Papa Don’t Preach.
„ადრე ამ სიმღერის განსხვავებული ვერსია გვქონდა მომზადებული, ვოკალზე გარკვეული პერიოდის განმავლობაში ვმუშაობდი. ახლა კი, ვფიქრობ, რომ მისი გამოქვეყნების დრო იყო. მადონა ამ სიმღერის, ამ ალბომისა და ამ სატელევიზიო სერიალის საბოლოო „ხელმომწერია,” – აღნიშნა Weeknd-მა Apple Music 1-თან ინტერვიუში გასული წლის ივნისში.
The Weeknd-მა პლატინის სერტიფიკატი 2023 წელს ასევე The Idol-ისთვის შექმნილი ჰიტისთვის One of the Girls მიიღო, რომელზეც BLACKPINK-ის ჯენისთან და ლილი-როუზ დეპთან ითანამშრომლა. ამ შედეგით კი ჯენი პლატინის სერტიფიკატის მქონე პირველ K-pop სოლო არტისტი გახდა.
