K-pop ჯგუფ The BTS-ის მომღერალი კიმ თე ჰიონი ახალი სასცენო სახელით ბრუნდება – V. 25 ივნისს სუპერვარსკვლავმა ახალი მუსიკალური პროექტი დააანონსა, რომლის სახელწოდებაც არის TYPE 1. ნამუშევარი 9 ივლისს გამოვა, თუმცა ჯერჯერობით უცნობია, რა სახით – ახალი ალბომისა თუ სიმღერის.
The BTS-ის მიერ სოციალურ მედიაში გავრცელებულ განცხადებას თან ქავერ ფოტოც ახლავს, რომელზეც V არის გამოსახული.
V 'TYPE 1' Poster
— BTS_official (@bts_bighit) June 25, 2024
📅 Pre-order: 2024.6.27. 11AM (KST)
📅 Release: 2024.7.9. (KST)#V #뷔 #TYPE_1 pic.twitter.com/1LwH9iXPwT
მარტში V-მ პირველი სინგლი გამოსცა, რომლის სახელწოდებაა FRI(END)S და რომლის ტექსტიც სრულად ინგლისურად არის დაწერილი. სიმღერა 2023 წლის სექტემბრის Ep-ის Layover-ის შემდეგ გამოვიდა, რის შემდეგაც K-pop-ის ვარსკვლავმა რამდენიმე თვით სამხრეთკორეულ ჯარში სავალდებულო სამსახურის დაწყების გამო ჯგუფი დატოვა. აღსანიშნავია, რომ სამხედრო სავალდებულო ამსახური ჯგუფის სხვა წევრებმაც გაიარეს.
V-მ (კიმ თე ჰიონი) აღნიშნა, რომ ამ 18 თვის განმავლობაში ბევრი ახალი სიმღერა დაწერა. „სინამდვილეში ძალიან ვწუხვარ, რომ არ შემიძლია ჩემს „ჯარისკაცებთან“ ბედნიერი წუთების გატარება. ყველაზე რთული ის არის, რომ ჩემს ჯარს ვერ ვნახავ, რომელიც ძალიან მომენატრება.“ – წერს V.
ბილბორდ 100-ში V-ს, როგორც სოლო შემსრულებლის, ოთხი სიმღერა მოხვდა, მათ შორის სინგლი FRI(END)S.
