America’s Got Talent-ში 2 ივლისს გასულმა ეპიზოდმა მაყურებელს წარმოუდგენლად ნიჭიერი, ცხრა წლის მომღერალი პრანისკა მიშრა გააცნო, რომელიც ფლორიდის შტატის ქალაქ ტამპადან არის.
პრანისკამ ტინა ტერნერის სიმღერა River Deep, Mountain High საოცრად შეასრულა და აუდიტორიის ოვაციები გამოიწვია, ჟიურის წევრ ჰეიდი კლუმისგან კი ოქროს ზარი დაიმსახურა.
America’s Got Talent-ის მეცხრამეტე სეზონში, სცენაზე წარდგენამდე პრანისკამ სიმღერისადმი გატაცებაზე ისაუბრა.
„ყოველთვის მიყვარდა სიმღერა, ბედნიერად ვგრძნობ თავს. მაშინაც კი, როცა ოთხი წლის ვიყავი, ვთამაშობდი, ვითომ ხელში მიკროფონი მეჭირა და მთელი მსოფლიოსთვის ვმღეროდი.“
ახალგაზრდა მომღერალმა პრანისკა მიშრამ მის მუსიკალურ შთაგონებად ტინა ტერნერი, არეტა ფრანკლინი და უიტნი ჰიუსტონი დაასახელა
მიუხედავად იმისა რომ პრანსკა მიშრას ნერვიულობა ეტყობოდა, სიმღერის დაწყებისას მომღერალს თავდაჯერებულობა შეემატა და მსაჯები გაოგნებულები დატოვა.
„ღმერთო ჩემო, ამას არ ველოდი. ჩვენ ბევრ რამეს ველით, მაგრამ ამას ნამდვილად არ ველოდი.“ ამბობს ჰეიდი კლუმი, რომელმაც ოქროს ზარს უყოყმანოდ დაარტყა ხელი.
პრანისკა მიშრა ჟიურის შეფასების შემდეგ სიხარულისგან ტიროდა: „ჩემი ოცნება ახდა, არ მჯერა.“
ნახეთ, ტინა ტერნერის სიმღერა River Deep, Mountain High პრანისკა მიშრას შესრულებით.
