დუა ლიპა 2024 წლის Glastonbury-ს ფესტივალზე ერთ-ერთი მთავარი ჰედლაინერი იყო, თუმცა თავისუფალ დროს სუპერვარსკვლავი მეგობარ ბიჭთან, კალუმ ტერნერთან ერთად დროის გატარებისთვისაც იცლიდა.
პოპ-ვარსკვლავმა ტერნერთან ერთად გადაღებული რომანტიკულ ფოტოები ინსტაგრამზე გააზიარა.
„ცეკვა მზის ამოსვლამდე, ეს glasto-ს რიტუალია“, – წერს დუა ლიპა ინსტაგრამზე, სადაც მეგობარ ბიჭთან გადაღებულ ფოტოებს აზიარებს.
დუა ლიპას გარდა Glastonbury-ის ფესტივალზე მთავარი გამომსვლელები Coldplay და SZA იყვნენ. ფესტივალი 26-იდან 30 ივნისის ჩათვლით ტარდებოდა, სადაც არტისტებს შორის ასევე იყვნენ კამილა კაბელიო, ავრილ ლავინი, სინდი ლაუპერი და უამრავი სხვა ცნობილი არტისტი.
დუა ლიპა და კალუმ ტერნერი რამდენიმე თვეა უკვე ერთმანეთს ხვდებიან, თებერვალში წყვილი ბრიტანული Vogue-ს წვეულებას დაესწრო, მარტში კი BRIT Awards-ის ღონისძიებას.
დაახლოებით ერთი თვის წინ დუა ლიპამ ალბომი Radical Optimism გამოსცა, რომლის დებიუტიც ბილბორდ 200-ში შედგა. ზაფხულის განმავლობაში დუა ლიპას ევროპის მასშტაბით გასტროლები აქვს დაგეგმილი, ნოემბერსა და დეკემბერში კი პოპ-ვარსკვლავი აზიას ეწვევა.
დუა ლიპამ ცოტა ხნის წინ პალესტინის შესახებ პოლიტიკური მოსაზრებები გააჟღერა, სადაც იგი ისრაელ-ჰამასის მიმდინარე კონფლიქტის ფონზე პალესტინას უჭერს მხარს.
”ამას ყოველთვის მოჰყვება აზრთა სხვადასხვაობა, ამიტომ ეს დიდი გადაწყვეტილებაა, მე ამას ვაბალანსებ, რადგან ვგრძნობ ეს უფრო დიდი სიკეთისთვისაა გამიზნული, ამიტომ მზად ვარ მივიღო ეს დარტყმა“, – განუცხადა დუა ლიპამ Radio Times-ს გასულ თვეში.
