ლანა დელ რეისა და Quavo-ს ერთობლივი ნამუშევარი უკვე ხელმისაწვდომია. სინგლი, სახელწოდებით Tough, 3 ივლისს გამოიცა.
სიმღერას მოჰყვა მასზე გადაღებული ვიდეოკლიპიც. კლიპში მუსიკოსები ცივილიზაციისგან შორს, ქალაქგარეთ ატარებენ დროს.
ლანა დელ რეი და Quavo ერთად ატლანტაში ჯერ კიდევ მაისში შენიშნეს და მაშინვე გაჩნდა ჭორები მათი შესაძლო თანამშრომლობის შესახებ. ოფიციალურად კი Tough-ის გამოსვლა წყვილმა გასულ თვეს დააანონსა. სიმღერის ლაივ დებიუტი ლანას ბოსტონში გამართულ კონცერტზე შედგა, სადაც Quavo-ს სცენაზე გამოჩენა სიურპრიზი იყო.
ამავდროულად, ლანა დელ რეის დაანონსებული აქვს ახალი ქანთრი ალბომი Lasso, Quavo-მ კი წელს უკვე არაერთი სინგლი გამოსცა.
ნახეთ Tough-ის ვიდეოკლიპი:
