13 ივლისს Iveria Beach-ზე ბერლინში მოღვაწე ელექტრონული მუსიკოსის, BONDI-ის ლაივ პერფორმანსი გაიმართება. ღონისძიებას Mastercard წარადგენს. ვოკალისა და გიტარის ელემენტებით არტისტი სინთეზური ჟღერადობის მუსიკას ქმნის. მსმენელს BONDI-ს მუსიკა 80-იანი წლების Dark Wave-საც გაახსენებს, რომელიც თავისი ხასიათით საზაფხულო განწყობას ქმნის.
მუსიკოსმა სხვადასხვა დროს განსხვავებული მუსიკალური ჟანრის არაერთ ცნობილ არტისტთან ითანამშრომლა. მან ლაივ სეტები ასევე წარმოადგინა მსოფლიოს სხვადასხვა საფესტივალო სივრცეში. ამჟამად BONDI ბათუმს ტურნეს ფარგლებში სტუმრობს.
მუსიკალურ საღამოს გახსნის ქართველი მუსიკოსი ერეკლე თაბუკაშვილი, რომელიც ცნობილია სასცენო სახელით Tobako Tween. არტისტის მუსიკა ძირითადად 90-იანი წლების House ჟანრს მოიცავს, რაც Iveria Beach-ზე დაგეგმილი საზაფხულო მუსიკალური მოგზაურობის კარგი დასაწყისია.
რაც შეეხება Iveria Beach-ს, ის დასვენებისა და გართობის მოყვარულებს გამორჩეულ გამოცდილებას 2015 წლიდან სთავაზობს. მულტიფუნქციური სივრცე აერთიანებს კერძო სანაპირო ზოლს, სარესტორნე სივრცეებსა და სანაპირო ბარს. კომპლექსი მოიცავს გასართობ სივრცეს როგორც ბავშვებისთვის, ისე ზრდასრულებისთვის. Iveria Beach მთელი სეზონის განმავლობაში დატვირთულია მუსიკალური საღამოებით, რომელთა დროსაც აუდიტორიის განწყობაზე ზრუნავენ ცნობილი და გამორჩეული უცხოელი თუ ლოკალური არტისტები.
ბილეთების შესაძენად ეწვიეთ ბმულს.
