არიანა გრანდე იმ კრიტიკას ეხმიანება, რაც ბოლო თვეების განმავლობაში მისი ხმის ტემბრის შეცვლამ გამოიწვია. პოპ-ვარსკვლავი აღნიშნავს, რომ მამაკაც მსახიობებს იშვიათად აკრიტიკებენ ასეთ დროს. მომავალ ფილმ Wicked-ში გლინდას როლის განსახირებას კი საკმაოდ დიდი კრიტიკა მოჰყვა.
9 ივლისს არიანა გრანდე სტუმრად Shut Up Evan პოდკასტში იმყოფებოდა, რა დროსაც ხმის ტემბრის ფაქტორებზე ისაუბრა. გასულ თვეს ვირუსულად გავრცელდა ვიდეო, სადაც არიანა გრანდე პენი ბედგლისთან საუბრისას მოულოდნელად ცვლის ხმის ტემბრს. პოპ-ვარსკვლავმა ამის შესახებ კომენტარი გააკეთა: „თითქმის ორი წელია ასე ვსაუბრობ“ და დაამატა, რომ ეს ფილმ Wicked-თვის დამუშავებული ვოკალია, სადაც მისი როლი ხმის მაღალ რეგისტრს საჭიროებდა.
Katz-ის შოუში არიანა გრანდე კიდევ უფრო დეტალურად ჰყვება ამის შესახებ; „უბრალოდ, დიდხანს მიწევდა ამ პერსონაჟის როლის განსახიერება, თითქმის ყოველდღე ვვარჯიშობდი და სხვადასხვა ხმას ვირგებდი, რათა ჩემი როლი კარგად შემესრულებინა. ხმა იგივე ინსტრუმენტია და კუნთების მეხსიერება ნამდვილად რეალურია. ეს ნორმალური მოვლენაა ადამიანისთვის, ვინც ხმის გარდაქმნაზე მუშაობს.“
მომღერალმა ყურადღება მამაკაც მსახიობებზეც გაამახვილა, რა დროსაც თქვა, რომ მამაკაც მსახიობებს როლების გარდაქმნისას ყოველთვის აქებენ, თუმცა მის შემთხვევაში ეს პირიქით მოხდა. “ხშირად მსმენია, როდესაც მამაკაც მსახიობს როლის ტრანსფორმაციის დროს აქებენ და ამბობენ, რომ ის ბრწყინვალე შემსრულებელია. ცოტა უცნაურია, ასეთი დაკვირვების ქვეშ რომ ვარ. ადამიანები იცვლებიან და შესაბამისად ჩვევებიც ეცვლებათ.“ ამბობს არიანა გრანდე.
მოუსმინეთ არიანა გრანდეს ინტერვიუს Shut Up პოდკასტში.
