Drake-მა კონცერტის მსვლელობისას თაყვანისმცემლებს ამცნო, რომ ახალ კოლაბორაციულ ალბომზე მუშაობს, რომელსაც საკუთარ ლეილბ OVO-ზე არტისტ PartyNextDoor-თან თანამშრომლობით გამოუშვებს.
„ჩემი და ჩემი გუნდის სახელით მინდა გითხრათ, რომ რაღაც ახალზე ვმუშაობთ. როცა ზაფხული დასრულდება და ცოტა აცივდება, PartyNextDoor-ის და Drake-ის ალბომი სწორედ მაშინ გამოვა” – განაცხადა მუსიკოსმა კონცერტის ბოლოს.
ტორონტოში გამართული კონცერტი სინამდვილეში PartyNextDoor-ის ტურნეს ფარგლებში ჩატარებული შოუ იყო, თუმცა მუსიკოსმა თითქმის მთელი ბოლო ერთი საათი სცენა Drake-ს დაუთმო. კონცერტის მსვლელობისას, როდესაც PartyNextDoor-მა საკუთარი გამოსვლა დაასრულა, ყველასთვის მოულოდნელად განათება აინთო და გულშემატკივრის წინაშე Drake გამოჩნდა.
„ამაღამ აქ ვარ, თქვენთან, მადლობის ნიშად, თითოეულ თქვენგანს მინდა წლების განმავლობაში ურყევი მხარდაჭერისთვის მადლობა გადაგიხადოთ.” – განაცხადა Drake-მა.
Drake-მა მთელი კონცერტის განმავლობაში R&B სიმღერების სრული სეტი შეასრულა, მათ შორის პირველად ცოცხლად იმღერა სიმღერა Wah Gwan Delilah.
