დრეიკი სამ ახალ სიმღერას აზიარებს თავის დროებით ინსტაგრამ ანგარიშზე, შემთხვევითი სახელწოდებით plottttwistttttt. ესენია No Face, რომელშიც Playboy Carti მონაწილეობს და ორი სოლო კომპოზიცია – Circadian Rhythm და SOD. ეს უკანასკნელი სოლო ვერსიაა Lil Yachty-სთან ერთად შესრულებული Super Soak-ისა, იმ განსხვავებით, რომ SOD-ში Lil Yachty-ს პარტია ამოღებულია.
No Face არ არის დრეიკის პირველი თანამშრომლობა Playboy Carti-სთან. 2020 წელს მათ გამოსცეს Pain 1993, რომელიც დრეიკის Dark Lane Demo Tapes-შია შესული.
სიმღერა Circadian Rhythm ერთგვარი სიქველია The Language-ისა, რომელიც დრეიკის 2013 წლის ალბომში Nothing Was The Same-შია შესული. მასში რეპერი რეპსამყაროს ამხელს, რომელსაც, მისი თქმით, წარსულში დრეიკის „დაკრძალვა” ჰქონდა დაგეგმილი, მაგრამ, მიუხედავად ამისა, ის მაინც განაგრძობდა საქმიანობას, როგორც „კატა ცხრა სიცოცხლით”.
ეს არ არის პირველი შემთხვევა, როცა დრეიკი plottttwistttttt-ის ანგარიშზე ახალ სიმღერებს აზიარებს. პირველად მსგავსი სამკომპოზიციანი ნაკრები რეპერმა აგვისტოს დასაწყისში გამოაქვეყნა. სიმღერების ტრიო Latto-ს, 21 Savage-ისა და Young Thug-ის მონაწილეობით Billboard Hot 100-ში შევიდა. ჯერჯერობით უცნობია, გაიზიარებს თუ არა იმავე წარმატებას ახალი სამეული.
მოუსმინეთ დრეიკის ახალ სიმღერებს:
