ლიზა ბათიაშვილი წინანდლის ფესტივალის მე-6 სეზონზე ვეღარ დაუკრავს. ინფორმაციას ფესტივალის ოფიციალური გვერდი ავრცელებს. განცხადებაში ნათქვამია, რომ ქართველი მევიოლინე ფესტივალზე ჩამოსვლას ჯანმრთელობის პრობლემების გამო ვეღარ ახერხებს.
ლიზა ბათიაშვილი წინანდლის სცენაზე ფესტივალის დასკვნით დღეს, 8 სექტემბერს უნდა წარმდგარიყო. დაგეგმილი კონცერტის ნაცვლად, ფესტივალი მსმენელს შეცვლილ პროგრამას შესთავაზებს. კონცერტს გახსნის მსოფლიოში აღიარებული ჰობოისტი და პარიზის კონსერვატორიის პრიზის მფლობელი ფრანსუა ლელუ. ასევე ამავე განყოფილებაში სცენაზე წარდგება 2009 წლის როსტროპოვიჩისა და 2011 წლის ჩაიკოვსკის სახელობის კონკურსების გამარჯვებული ფრანგი ჩელისტი ედგარ მორო.
პროგრამაში დარჩება მენდელსონის მეოთხე სიმფონია, რომელსაც პანკავკასიური ორკესტრი შეასრულებს ფრანსუა ლელუს დირიჟორობით.
ნახეთ წინანდლის ფესტივალის განცხადება:
