ჯგუფი Linkin Park ახალი სიმღერით და ახალი ვოკალისტით დაბრუნდა. ჯგუფის ტრეკი The Emptiness Machine გამოსვლიდან მალევე Billboard-ის როკისა და ალტერნატიული მუსიკის ჩარტში მოხვდა და 24-ე ადგილი დაიკავა.
ბენდის ახალი ვოკალისტი ემილი არმსტრონგია, რომელიც ვოკალურ პარტიას Linkin Park-ის თანადამფუძნებელ მაიკ შინოდასთან ერთად ასრულებს. ბენდს ასევე ჰყავს ახალი დრამერი კოლინ ბრიტანი. Linkin Park-ის ვოკალისტი ჩესტერ ბენინგტონი 2017 წელს გარდაიცვალა და ემილი არმსტრონგის შეერთებით ბენდმა ახალი ეპოქა დაიწყო.
სიმღერა The Emptiness Machine ჯგუფ Linkin Park-ის მე-17 ნამუშევარია, რომელიც Rock & Alternative Airplay-ს სახელით ცნობილ ჩარტში მოხვდა. ის არის წამყვანი სინგლი ბენდის დაანონსებული ალბომიდან – Zero, რომლის გამოცემა 15 ნოემბერს არის დაანონსებული. ამ დროისათვის ბოლო ალბომი ბენდმა 2017 წელს წარადგინა. One More Light ჩესტერ ბენინგტონის გარდაცვალებამდე 2 თვით ადრე გამოვიდა.
Billboard 14 სექტემბრით დათარიღებულ ჩარტებს 10 სექტემბერს განაახლებს.
