როგორც იქნა, ფანების ლოდინი დასრულდა. ბენდმა The Cure დაადასტურა, რომ 16-წლიანი პაუზის შემდეგ მათი პირველი სინგლი, სახელწოდებით Alone, 26 სექტემბერს გამოვა. ჯგუფმა სოციალურ ქსელში სიმღერის 18-წამიანი მონაკვეთიც გამოაქვეყნა, სადაც რობერტ სმითი მღერის ტექსტს: „ეს არის დასასრული ყველა სიმღერისა, რომელსაც ვმღერით”.
სინგლის პრემიერა BBC Radio 6-ის მუსიკალურ შოუში შედგება, რის შემდეგაც ფანები უკვე ახალ ალბომს დაელოდებიან. The Cure-ს ბოლო ალბომი “4:13 Dream” 2008 წელს გამოვიდა და Billboard 200-ში მე-16 ადგილი დაიკავა.
გასულ კვირას ბენდის გულშემატკივრებს დაშიფრული ბარათები დაეგზავნათ, რომლებიც ადასტურებდა, რომ ახალი ალბომი პირველ ნოემბერს გამოვა და მისი სახელწოდება იქნება Songs of a Lost World. მანამდე კი ჯგუფმა სპეციალური ვინილი გამოსცა ორი ახალი სიმღერის ცოცხალი ვერსიით, რომლებიც 2022 წელს Lost World-ის ტურნეს ფარგლებში გამართულ კონცერტზეა ჩაწერილი. ჯერჯერობით უცნობია, შევა თუ არა ეს სიმღერები მომავალ ალბომში.
მოუსმინეთ Alone-ის მონაკვეთს:
