“Oh, you wish you were my Levi’s jeans”, – მღერის ბიონსე სიმღერაში Levii’s Jeans, რომელიც შესულია მის ბოლო ალბომში Cowboy Carter. ახლა კი თავად Levi’s-მა მომღერალთან თანამშრომლობა დააანონსა. ბრენდმა ინსტაგრამზე სურათი გამოაქვეყნა, რომელიც ცხენზე ამხედრებული ბიონსეს გამოსახულებას იმეორებს, როგორც ეს Cowboy Carter-ის ყდაზეა.
Levi’s-მა პოსტზე ბიონსე დათაგა და დააწერა: „წარმოგიდგენთ ახალ ერას.” გვერდის bio-ში კი ვკითხულობთ: „დავიწყოთ უკუთვლა.”
ახალ ამბავს ფანები განსხვავებული ვერსიებით ეხმაურებიან: „Cowboy Carter-ის მსოფლიო ტურნე, რომელსაც Levi’s ასპონსორებს,” – წერს ერთ-ერთი გულშემატკივარი. სხვები კი პროდუქტის შესაძენად ემზადებიან: „ამოვისუნთქოთ და საკრედიტო ბარათები მოვიმარჯვოთ.”
ეს პირველი ოფიციალური თანამშრომლობა იქნება ბიონსესა და Levi’s-ს შორის. სიმღერა Levii’s Jeans მარტში გამოვიდა და მისი წყალობით ბრენდმა გაყიდვების მწვერვალს მიაღწია. კომპანიის ფინანსურმა დირექტორმა ბიონსეს მადლობა გადაუხადა: „არ არსებობს მასზე უკეთესი ადამიანი. ჩვენ მას კულტურის ცენტრს ვეძახით,” – განაცხადა მან აპრილში.
From the floor of the New York Stock Exchange, @LEVIS CFO boasts their recent uptick in impressions, customer traffic, revenue, and stock price since the release of Beyonce’s song “LEVII’S JEANS” on #COWBOYCARTER:
— BEYONCÉ LEGION 𐚁 (@BeyLegion) April 9, 2024
“There’s no better person than [Beyoncé], who we call the center… pic.twitter.com/pahJT59aPZ
Cowboy Carter გამოსვლისთანავე Billboard 200-ის პირველ ადგილზე მოხვდა, რითაც ბიონსე გახდა პირველი ქალი, რომლის რვავე ალბომიც ჩარტის ლიდერი გახდა.
ნახეთ Levi’s-ის პოსტი:
