სანამ ლედი გაგას მსმენელები მუსიკოსის ახალ, მეშვიდე ალბომს ელიან, მომღერალმა ახალი პროექტი დააანონსა. მომღერალი ფილმ Joker: Folie à Deux-ს თანმხლებ ალბომს გამოსცემს, რომლის სახელწოდებაა Harlequin.
ლედი გაგამ ინსტაგრამის მეშვეობით გაამხილა, რომ ალბომი 27 სექტემბერს გამოვა. მან ალბომის ყდაც წარადგინა. ფოტოზე ის ტანსაცმლით დგას შხაპის ქვეშ და
წყლის ჭავლი მის სახეზე გაკეთებულ ჯამბაზის გრიმს რეცხავს. ლედი გაგამ საინტერესო ფორმით სავარაუდო ტრეკლისტიც წარადგინა. ინსტაგრამზე გამოქვეყნებულ ერთ ფოტოზე Gayle Valley Farms-ის რძის მუყაოს შეფუთვას ვხედავთ, რომელზეც სიმღერების სახელწოდებები წერია. მათ შორის არის Get Happy, Oh When the Saints და სხვა.
ახალ ალბომთან დაკავშირებით სიახლე მას შემდეგ გავრცელდა, რაც ფანებმა ლოს-ანჯელესსა და ნიუ-იორკში ახალი სარეკლამო ბილბორდები შენიშნეს, რომლებზეც „LG 6.5” ეწერა. ამ ბილბორდების შინაარსი ჰგავდა გაგას ბოლო პოსტებს, რომლებსაც არტისტი ბოლო დღეების განმავლობაში ინსტაგრამზე აქტიურად აქვეყნებდა.
Harlequin-ის გამოცემის შემდეგ ფანები ლედი გაგას ახალ, მეშვიდე სტუდიურ ალბომსაც ელიან, რომელიც 27 სექტემბერს გამოვა.
ნახეთ პოსტი, რომლითაც ლედი გაგამ Joker: Folie à Deux-ის ალბომი Harlequin დააანონსა:
