ლედი გაგას და ბრუნო მარსის სიმღერა Die With a Smile მეოთხე სრული კვირაა, რაც Billboard Global 200-ისა და lboard Global Excl. U.S.-ის მუსიკალური ჩარტების ლიდერია. ეს სიმღერა არტისტების ალბომებისაგან დამოუკიდებელ სინგლად გამოიცა.
Global 200 და Global Excl. U.S ჩარტები Billboard-მა 2020 წელს წარადგინა. ის ავლენს ჩანაწერების სარეიტინგო სიას მუსიკალურ სტრიმინგ პლატფორმებზე მოსმენისა და გაყიდვების მაჩვენებლის მიხედვით. Global 200-ის ჩარტი მსოფლიო მასშტაბით 200-მდე ტერიტორიულ ერთეულს ფარავს და ის საერთაშორისო მონაცემებს ეყრდნობა, Global Excl. U.S ჩარტში კი არ შედის შეერთებული შტატები. შედეგები მონაცემების ოფიციალური პროვაიდერის, კომპანია Luminate-ის სტატისტიკის მიხედვით განისაზღვრება.
Die With a Smile ამ დროისთვის Global 200-ის ჩარტში 117,8 მილიონი სტრიმით ლიდერობს. წელს მსგავსი წამყვანი პოზიციები ასევე მოიპოვა ისეთმა ჰიტებმა, როგორებიც არის საბრინა კარპენტერის Please Please Please და კენდრიკ ლამარის Not Like Us. Global 200-ის მეორე ადგილზეა ბილი აილიშის Birds of a Feather, რომელიც აგვისტოს ბოლოს სამი კვირის განმავლობაში პირველ ადგილს იკავებდა. Global 200-ის ჩარტის ტოპ ათეულში ვხვდებით საბრინა კარპენტერის სამ სიმღერას: Espresso, Taste და Please Please Please.
ნახეთ ლედი გაგას და ბრუნო მარსის საერთო კლიპი, რომელიც გადაღებულია სიმღერაზე Die With a Smile:
