ლედი გაგამ დაადასტურა, რომ სიმღერა სახელწოდებით Disease 25 ოქტომბერს გამოდის. ინსტაგრამის პოსტში მომღერალმა სინგლის ყდა გააზიარა.
ლედი გაგა რამდენიმე თიზერით მიგვანიშნებს, რომ პირველი სინგლი მომავალი, ჯერ კიდევ უსახელო მეშვიდე სტუდიური ალბომიდანაა. მიუხედავად იმისა, რომ ამის შესახებ მომღერალს დეტალები არ გამოუქვეყნებია, სოციალურ ქსელებში ალბომის შესახებ მინიშნებები უკვე ვრცელდება.
ლედი გაგას გულშემატკივრებმა გასულ კვირას მომღერლის Spotify-ს გვერდზე გამოქვეყნებულ ახალ 11-სიმღერიან პლეილისტში მინიშნება იპოვეს: პირველი ოთხი სიმღერის პირველი ასოები მომღერლის სახელზე (GAGA) მიანიშნებს. ეს სიმღერებია: Government Hooker, Always Remember Us This Way, G.U.Y. და Americano.
ლედი გაგას გულშემატკივრებს მინიშნების მიგნება ვებ-გვერდზე gagadisease.com-ზე და icouldplaythedoctor.com-ზე შეუძლიათ იპოვონ, სადაც შავ ფონზე შემდეგი წინადადებები ჩნდება: „მე შემიძლია ვიყო ექიმი,“ „მე შემიძლია განვკურნო შენი დაავადება” და ა.შ. სხვადასხვა კომბინაციით საიტზე სიმღერა disease-დან ტექსტები ჩნდება, საბოლოოდ კი ლეიბლ Universal-ის მთავარ გვერდს უბრუნდები.
ლედი გაგამ დაადასტურა, რომ მომავალი პოპ-ალბომი თებერვალში გამოვა, პირველი სინგლი კი ამ თვეში გამოიცემა.
27 სექტემბერს გამოსული ლედი გაგას ჯოკერით შთაგონებული ალბომი Harlequin ბილბორდის ჯაზის ჩარტებში პირველი ადგილს იკავებს. ბრუნო მარსისა და ლედი გაგას კოლაბორაციით შექმნილი სიმღერა Die With a Smile კი უკვე მეშვიდე კვირაა, რაც ბილბორდ გლობალ 200-სა და Global Excl. U.S. ჩარტებში მოწინავე ადგილზეა.
