ადელს ლას-ვეგასში გამართულ კონცერტზე თავისმა ცნობილი კოლეგამ ემოციური სიურპრიზი გაუკეთა.
36 წლის ბრიტანელმა ვარსკვლავმა ცრემლები ვერ შეიკავა, როცა 26 ოქტომბერს Caesars Palace-ში, Colosseum-ის სცენაზე მიმდინარე შოუს დროს, მაყურებლებს შორის სელინ დიონი შენიშნა.
ფანების მიერ გადაღებულ ვიდეოში, რომელიც სოციალურ ქსელ X-ზე გავრცელდა, ჩანს, რომ ადელი მღერის სიმღერას When We Were Young და ამ დროს სელინ დიონს ამჩნევს. დიონი 4 100-ადგილიანი დარბაზის გვერდით ლოჟაში იჯდა. ამის შემდეგ ვიდეომ ემოციური მომენტი დააფიქსირა. ადელმა ტირილი დაიწყო, სელინ დიონთან მივიდა და გადაეხვია, შემდეგ კი ფანებს ხელი დაუქნია და სცენაზე დაბრუნდა.
ADELE AND CELINE! give me credits if you repost this. pic.twitter.com/c04Ek7AHjq
— soph 🪐🏎️ (@sophxadelexf1) October 27, 2024
დიონმა Colosseum-ის სცენაზე კონცერტი 2003 წელს გამართა. რაც შეეხება ადელისა და დიონის გადაკვეთას, ეს პირველი შემთხვევა არ არის, როდესაც მომღერლები ლას-ვეგასში ერთმანეთს შეხვდნენ. 2018 წელს ადელი სელინ დიონის მეორე კონცერტს დაესწრო, რომელიც იმავე სცენაზე გაიმართა. იმ წელს ინსტაგრამზე დიონმა პოსტი გამოაქვეყნა, რომელშიც ადელს შოუს შემდეგ კულისებში სტუმრობისათვის მადლობა გადაუხადა.
ლას-ვეგასში ადელის კონცერტების სერია ნოემბრის ბოლოს დასრულდება. მომღერალმა წელს განაცხადა, რომ ამ კონცერტების დასრულების შემდეგ ხანგრძლივ შემოქმედებით პაუზას აიღებს. „უბრალოდ დასვენება მჭირდება. ბოლო შვიდი წელი ახალი ცხოვრების შენებას დავუთმე და ახლა მინდა, რომ საკუთარი ცხოვრებით ვიცხოვრო,” – მიმართა ადელმა სექტემბერში მიუნხენში გამართული კონცერტის დროს აუდიტორიას. „მინდა, ვიცხოვრო ჩემი ახალი ცხოვრებით. ძალიან მომენატრებით.”
