2024 წლის საბავშვო ევროვიზიის სიმღერის კონკურსის გამარჯვებული საქართველო გახდა.
11 წლის ანდრია ფუტკარაძემ ჟიურისა და ტელემაყურებლისგან 239 ქულა მიიღო, რამაც საქართველოს რეკორდული, მეოთხე გამარჯვება მოუტანა.
ანდრია ფუტკარაძემ საქართველო სიმღერით To My Mom წარადგინა. სიმღერის ავტორი კომპოზიტორი გიგა კუხიანიძე გახლავთ.
2024 წლის საბავშვო ევროვიზია ესპანეთის დედაქალაქ მადრიდში გაიმართა. კონკურსში მონაწილეობას 17 ქვეყანა იღებდა. ანდრია ფუტკარაძე მაყურებლის წინაშე რიგით მე-9 ნომრად წარდგა.
