Tamada საქართველოში მიმდინარე პროტესტს ახალი მუსიკალური ნამუშევრით ეხმიანება. „ბრძოლას მე ვერ გადამაჩვევ” – ასე ჰქვია არტისტის ახალ ტრეკს, რომლის სრული ვერსია ინტერნეტში 8 დეკემბერს გავრცელდა.
6 დეკემბერს ქართველმა მუსიკოსებმა ერთობლივი მანიფესტიც გაავრცელეს. განცხადებას 90-ზე მეტი მუსიკოსი შეუერთდა.
„ჩვენ, მუსიკოსები, პროტესტს ვუცხადებთ არალეგიტიმურ ხელისუფლებას და უარს ვამბობთ ნებისმიერ სახელმწიფო ღონისძიებაში მონაწილეობაზე.
ვგმობთ მათი მხრიდან პროტესტანტების მიმართ არაპროპორციული და გადამეტებული ძალის გამოყენებას, მოროდიორობას, უკანონო დაჭერას, დაშინებასა და მრავალ სხვა დანაშაულებრივ მეთოდს, რომელსაც მმართველი პარტია ძალაუფლების შესანარჩუნებლად იყენებს,” – ვკითხულობთ მანიფესტში.”
