Absolute Radio-სთან უახლეს ინტერვიუში რობერტ სმიტმა მომავალ ალბომებზე ისაუბრა. The Cure-მა ახალი ლაივ ალბომის, Songs of a Live World-ის გამოშვება დააანონსა.
„არსებობს კიდევ ერთი ალბომი, რომელიც თითქმის მზადაა გამოსაშვებად. შეიძლება ითქვას, ეს თანმხლები ალბომია და არსებობს კიდევ ერთი ახალი ალბომი, რომელიც სრულიად განსხვავებულია. ეს ღამით, სტუდიაში გაკეთებული ჩანაწერების ერთობლიობაა. ზოგიერთი მათგანი ნამდვილად კარგია, უბრალოდ, ეს სრულიად განსხვავებული რამ არის.“ – თქვა ინტერვიუს დროს რობერტ სმიტმა.
„ალბომი Songs of a Lost World მართლაც ძალიან ემოციური ნამუშევარია, თუმცა მისი თანმხლები ალბომი არც ისე მძიმეა მოსასმენად. რაც შეეხება კიდევ ერთ ახალ ალბომს, ის ძალიან უცნაურია. ბოლომდე დასრულებული არ არის, რადგან ამჟამად ჩემი ყურადღება სიმღერების შესრულებაზეა გადატანილი. ჩვენი ახალი ალბომის გაზიარებისას ხალხისგან იმდენად დადებითი ემოციები და ზღვა სიყვარული მივიღეთ, რომ არ მინდა ეს დასრულდეს. ეს მართლაც ძალიან კარგი იყო.” – ამბობს რობერტ სმიტი დასასრულს.
The Cure-ის ალბომ Songs of a Lost World-ის გამოშვებას უზარმაზარი წარმატება მოჰყვა. ალბომი 1992 წელს გამოსული Wish-ის შემდეგ პირველია, რომელიც ინგლისში ალბომების ჩარტში პირველ ადგილზე გავიდა. ალბომმა პირველი ადგილი დაიკავა ამერიკის შეერთებულ შტატებშიც.
Songs of a Lost World ბენდის ერთ-ერთ გამორჩეულ ნამუშევრად იქცა, გაყიდვების ჩარტში პირველ ადგილზე გავიდა და ბილბორდ 200-ში მეოთხე პოზიცია დაიკავა.
