ცოტა ხნის წინ ბილი აილიში Apple Music-ის 2024 წლის არტისტად დაასახელეს. ამის აღსანიშნად Apple Music-თან ერთად ბილი აილიშმა და მისმა ძმამ ფინეასმა ლოს-ანჯელესში აკუსტიკური კონცერტი გამართეს. კონცერტი კითხვა-პასუხის სესიასაც მოიცავდა, სადაც ბილი აილიშმა 2024 წელს ალბომ Hit Me Hard and Soft-ში შესული სიმღერები შეასრულა.
ვინც შოუზე დასწრება ვერ მოახერხა, მისი ნახვა Apple Music-ის გამომწერებისთვის კვლავ არის შესაძლებელი.
Apple Music-ის მიერ გამოქვეყნებულ ახალ ვიდეოში ბილი აილიში სიმღერა L’Amour de Ma Vie-ს აკუსტიკურ ვერსიას ასრულებს.
ეს პერფორმანსი ცოტა ხნის წინ ბილი აილიშის Apple Music-ის წლის არტისტად დასახელებას მოჰყვა. „გამოცემის დღიდან Apple Music მხარს უჭერს ჩემს მუსიკასა და ხელოვნებას. მე მათ დიდ პატივს ვცემ და ბედნიერი ვარ, რომ ამდენი წლის შემდეგ წლის არტისტად მაღიარეს. – განაცხადა ბილი აილიშმა.
2024 წელი საკმაოდ გამორჩეული იყო ბილი აილიშისთვის. მაისში მისი ალბომი Hit Me Hard and Soft გამოვიდა, რომელიც 138 ქვეყანაში Apple Music-ის ყველა ჟანრის ალბომების ჩარტში პირველი ადგილზე გავიდა, ხოლო ბილბორდის ანალოგიურ ჩარტში მეორე ადგილი დაიკავა.
2025 წლის გრემის დაჯილდოებისთვის ბილი აილიში შვიდ ნომინაციაზეა წარდგენილი. ალბომი Hit Me Hard and Soft წლის ალბომისა და საუკეთესო პოპ ვოკალური ალბომის კატეგორიებშია ნომინირებული, ხოლო Birds of a Feather წლის ჩანაწერის, წლის სიმღერისა და საუკეთესო პოპ სოლო შესრულების კატეგორიებში. L’Amour De Ma Vie ნომინირებულია საუკეთესო პოპ ჩანაწერის კატეგორიაში, ხოლო მისი კოლაბორაცია Charli XCX-სთან, სიმღერით Guess, ნომინირებულია საუკეთესო პოპ დუეტ/ჯგუფის კატეგორიაში.
