Music Awards Japan ახალი დაჯილდოებაა, რომელიც იაპონური მუსიკალური ინდუსტრიის ხუთი მთავარი ორგანიზაციის მიერ დაფუძნდა და მომდევნო წელს პირველად გაიმართება. მანამდე კი ცნობილი გახდა კატეგორიები, რომლებშიც გამარჯვებულები გამოვლინდებიან.
პირველი Music Awards Japan 2025 წლის 21 მაისს კიოტოში შედგება. დაჯილდოება 60-ზე მეტ ნომინაციას მოიცავს, რომელთა შორისაც იქნება ექვსი მთავარი კატეგორია: წლის სიმღერა, წლის ახალი არტისტი და სხვა.
განსაკუთრებით მრავალფეროვანი იქნება სიმღერის კატეგორიები, რომლებიც არაერთ მუსიკალურ ჟანრსა და კულტურას დაფარავს, მათ შორისაა J-პოპი, როკი, ჰიპ-ჰოპი, ანიმე და სხვა. ასევე დაწესდა ორი ნომინაცია, რომლის გამარჯვებულებსაც მსმენელი ხმის მიცემით სპოტიფაიზე გამოავლენს.
არაერთი ნომინაცია იქნება ალბომის კატეგორიებშიც, სადაც, წლის ალბომის გარდა, გამოვლინდებიან გამარჯვებულები ჯაზის, კლასიკურ მუსიკის, ფილმის საუნდტრეკის, ვიდეოთამაშის საუნდტრეკის და სხვა ალბომებისთვის. ასევე რამდენიმე ნომინაციაში დაჯილდოვდებიან არტისტებიც.
„დიდი პატივია, რომ სწორედ ჩვენი მონაცემები იქნება გამოყენებული, როგორც ერთ-ერთი ძირითადი მონაცემი Music Awards Japan-ის სიმღერის ნომინაციებში,” – ამბობს ბილბორდ იაპონიის ჩარტების დირექტორი სეიჯი ისოზაკი.
Music Awards Japan-ის ექვსი მთავარი კატეგორია იქნება: წლის სიმღერა; წლის ალბომი; წლის არტისტი; წლის ახალი არტისტი; გლობალური ჰიტი იაპონიიდან; აზიის საუკეთესო სიმღერა.
ხმის მისაცემი კატეგორიებია: მსმენელის არჩევანი – სპოტიფაის წლის საუკეთესო გლობალური სიმღერა იაპონიიდან და სპოტიფაის წლის საუკეთესო სიმღერა.
