5 იანვარს ბევერლი ჰილტონში ოქროს გლობუსის დაჯილდოება გაიმართა. ცერემონიის წამყვანი კომედიანტი და მსახიობი ნიკი გლეიზერი იყო. გლეიზერმა მონოლოგის დროს ჯერ ფილმ Wicked-ზე იხუმრა, შემდეგ კი თავისი სამიზნე 2024 წლის ერთ-ერთ ყველაზე დიდი სკანდალი – Diddy-ს გახმაურებული წვეულებები და ამჟამად პატიმრობაში მყოფი რეპერის მიმართ წაყენებული ბრალდებები გახდა.
გლეიზერი მონოლოგის დროს ზენდეიას და Dune: Part Two-საც შეეხო. ამის შემდეგ, მან 2024 წლის კიდევ ერთ ფილმზე, Challengers-ზე იხუმრა, რომელშიც ასევე ზენდეია მონაწილეობს. გლეიზერმა ხუმრობით აღნიშნა, რომ ფილმი სექსუალურად უფრო მეტად არის დატვირთული, ვიდრე Diddy-ს ცხოვრების სტილი. „ვწუხვარ, წვეულებები წელს ისეთი კარგი აღარ იქნება, მაგრამ უნდა შევეგუოთ ფა გავაგრძელოთ ცხოვრება,” – თქვა წამყვანმა. „წელს არანაირი ბავშვების ზეთი – მხოლოდ ბევრი ზეითუნის ზეთი“
შემდეგ გლეიზერმა აუდიტორიაში მყოფ კიტ ურბანს მიმართა და უთხრა, რომ მისი ცოლი, ნიკოლ კიდმანი, შარშან ამდენ ფილმში მხოლოდ იმიტომ იღებდა მონაწილეობას, რომ სახლში ყოფნა არ სურდა, როცა ურბანი გიტარას უკრავდა. გლეიზერის ხუმრობის ადრესატი გახდა პროდიუსერი ბენი ბლანკოც. დაჯილდოების ორგზის ნომინანტზე, სელენა გომესზე საუბრისას გლეიზერმა აღნიშნა, რომ ის „ახალ საქმროსთან, ბენი ბლანკოსთან“ ერთად ესწრებოდა ცერემონიას. „ბენი ბლანკო აქ იმიტომ არის, რომ ჯინმა ეს სურვილი აუხდინა. იღბლიანი ბიჭია,” – თქვა ნიკი გლეიზერმა.
აღსანიშნავია, რომ ოქროს გლობუსების შოუს პროდიუსერია Dick Clark Productions, რომელიც Penske Media Corporation-ის საკუთრებაა. PMC ასევე Billboard-ის მშობელი კომპანიაა.
Say hello to your roast for the night—Oops, we mean HOST for the night… @NikkiGlaser! 🎙️ #GoldenGlobes pic.twitter.com/MVa5FQ1NoS
— Golden Globes (@goldenglobes) January 6, 2025
