მოუსმინეთ მაკ მილერის გარდაცვალების შემდგომ გამოსულ ახალ სიმღერას

მაკ მილერის მემკვიდრეობის ოფიციალურმა წარმომადგენლობამ მუსიკოსის ახალი სინგლი გააზიარა მისი მომავალი ალბომიდან Balloonerism.

5 Dollar Pony Rides მილერის ახლო მეგობრისა და თანამშრომლის, Thundercat-ის დახმარებით შეიქმნა, რომელიც სიმღერის პროდიუსერადაა მითითებული. 

2020 წელს ტვიტერზე ერთ-ერთმა ფანმა დაწერა: „წარმოიდგინეთ, რომ Thundercat-სა და მაკ მილერს მთელი ალბომი გაეკეთებინათ ერთად.” Thundercat-მა კი უპასუხა: „ის არსებობს.” შემდეგ კი აღნიშნა, რომ, სავარაუდოდ, პროექტს არასდროს გამოსცემდა, მილერის პატივისცემის ნიშნად. „ყველაფერს ასე ვერ გამოიტან,” – თქვა მან. „მე და მაკი ბევრ სხვადასხვა პროექტზე ვმუშაობდით.”

მილერის მემკვიდრეობამ ახლახან გამოაქვეყნა ალბომში შემავალი კომპოზიციების სიაც, რომელშიც ერთადერთ მოწვეულ სტუმრად SZA და თავად მილერის ალტერ ეგო –  Delusional Thomas არის დასახელებული. Balloonerism 17 იანვარს გამოვა.  

მაკ მილერი 2018 წელს, 26 წლის ასაკში, ნივთიერების ზედოზირებით გარდაიცვალა.

მოუსმინეთ სიმღერას 5 Dollar Pony Rides: