კანიე უესტმა Vultures The Movie-ს პირველი ტრეილერი გააზიარა. არტისტმა ერთწუთიანი შავ-თეთრი კლიპი ინსტაგრამზე გამოაქვეყნა, რომელიც მთლიანად ხელოვნური ინტელექტის გამოყენებით შეიქმნა. ვიდეოს საუნდტრეკად გამოყენებულია The Blues Brothers-ის თემატური სიმღერა. ტრეილერში ვხედავთ Ye-სა და Ty Dolla $ign-ის პერსონაჟებს, რომლებიც ხელოვნური ინტელექტის ინტერპრეტაციით შექმნილი ვერსიებია. ვიდეოში ჩნდებიან Vultures-ის ალბომის კოლაბორატორი არტისტებიც: Kodak Black, Rich The Kid და Playboi Carti, რომლებიც იარაღებს ისვრიან.
Vultures-ის ფილმის პრემიერის ზუსტი თარიღი ჯერ უცნობია, მაგრამ, სავარაუდოდ, ის 2025 წელს გამოვა. აღსანიშნავია, რომ Ye-ს ბოლო მუსიკალური ვიდეოები ასევე ხელოვნური ინტელექტის დახმარებით შეიქმნა. Vultures-ის კლიპები – Bomb და 530 – შავ-თეთრი ვიდეოებია და ფილმის ტრეილერის ესთეტიკას ატარებს.
სოციალურ მედიაში დაბრუნების შემდეგ, კანიე უესტი დატვირთული 2025 წლისთვის ემზადება. Vultures The Movie-ს გამოშვების პარალელურად ის უკვე გეგმავს სოლო ალბომის – Bully-ის გამოშვებასაც.
ეს პროექტი იქნება კანიე უესტის პირველი სოლო ალბომი 2021 წლის Donda-ს შემდეგ. არტისტმა ალბომის გარეკანი გასულ წელს უკვე გაავრცელა. 2024 წელი უესტისთვის წარმატებული აღმოჩნდა. არტისტი Vultures-ით Billboard 200-ის ჩარტში დაბრუნდა.
იხილეთ Vultures The Movie-ის ტრეილერი:
