ტიმოთი შალამე ახალ ფილმში A Complete Unknown ლეგენდარული მუსიკოსის, ბობ დილანის პერსონაჟს განასახიერებს. 25 იანვარს მსახიობი Studio 8H-ში Saturday Night Live შოუში გამოჩნდა, სადაც ორმაგი როლი მოირგო: როგორც წამყვანი და როგორც მუსიკალური სტუმარი. ტიმოთე შალამემ შოუს მუსიკალურ ეპიზოდში ბობ დილანის სამი სიმღერა შეასრულა.
მსახიობი შოუს ყოფილმა წამყვანმა, ადამ სენდლერმა წარადგინა. შალამემ საღამო ბობ დილანის სიმღერით Outlaw Blues გახსნა, მომდევნო სიმღერა კი Three Angels გახლდათ, სადაც შოუში მოულოდნელი სტუმარი ჯეიმს ბლეიკი გამოჩნდა, რომელიც კლავიშზე უკრავდა.
მუსიკალური ეპიზოდის მესამე ნაწილში ტიმოთე შალამე აკუსტიკური გიტარით დაბრუნდა და სიმღერა Tomorrow Is a Long Time შეასრულა.
ტიმოთე შალამემ აღნიშნა, რომ ბობ დილანის შემოქმედებიდან, ეს სამი სიმღერა მისი ფავორიტია.
ჯეიმს მანგოლდის ფილმმა A Complete Unknown, სადაც ტიმოთე შალამე ბობ დილანის როლს ასრულებს, უკვე მოიპოვა ოსკარის რვა ნომინაცია, მათ შორის საუკეთესო ფილმის კატეგორიაში.
მიუხედავად იმისა, რომ Saturday Night Live-შოუში ტიმოთე შალამე აქამდე უკვე ორჯერ იმყოფებოდა, მუსიკოსის ამპლუაში იგი პირველად წარდგა.
ნახეთ ტიმოთე შალამეს ბობ დილანის სიმღერების შესრულება.
