გრემის 67-ე დაჯილდოების ცერემონიას ქართველი მუსიკოსი, ბერკლის მუსიკის კოლეჯის ასოცირებული პროფესორი გიორგი მიქაძე ესწრებოდა. ამერიკის ყველაზე პრესტიჟულ მუსიკალურ ღონისძიებაზე მიქაძე საპატიო სტუმრის სტატუსით თავად ხმის ჩამწერი აკადემიის პრეზიდენტმა, პანოს პანაიმ მიიწვია. ქართველი მუსიკოსი გრემის დაჯილდოებაზე ეროვნული სამოსით წარდგა.
გიორგი მიქაძე:
„გრემიზე დასწრება ყველა ხელოვანისთვის ძალიან საპატიო, მნიშვნელოვანი, პრესტიჟული და გამოწვევებით სავსე მოვლენაა, რადგან ამ დროს ხდება მსოფლიო მნიშვნელობის არტისტებთან, აგენტებსა და პროდიუსერებთან შეხვედრა, მათი გაცნობა და იდეებისა და გამოცდილების გაზიარება, ასევე საერთო სამომავლო პროექტების გენერირება და ფორმირება. გამონაკლისი არც გუშინდელი ცერემონია იყო, სადაც ეს ყველაფერი უხვად იყო წარმოდგენილი და ძალიან მიხარია, რომ ამ პროცესში მივიღე მონაწილეობა.”
