გიორგი გიგაშვილი „სტეინვეის” არტისტი გახდა. ინფორმაციას ქართველი პიანისტი სოციალურ ქსელში ავრცელებს. „ეს ნანატრი დღეც დადგა! ოფიციალურად ვარ Steinway Artist,” – წერს გიგაშვილი.
როგორც პროგრამის აღწერაში ვკითხულობთ, „სტეინვეის არტისტი” საპატიო წოდებაა, რომელიც მხოლოდ თავისი დროის საუკეთესო პიანისტებს ენიჭება. მათგან ყველა ირჩევს, უსასყიდლოდ და ექსკლუზიურად დაუკრას „სტეინვეიზე” და ჰქონდეს „სტეინვეის” საკუთარი ინსტრუმენტი. Steinway & Sons ყველა ჟანრისა და თაობის პიანისტებს აღიარებს. ამ დრომდე ეს წოდება 2000-ზე მეტ წამყვან პიანისტს აქვს მინიჭებული. მათ შორის არიან მართა არგერიხი, ბილი ჯოელი, დაიანა კროლი და ფრანც ლისტიც კი.
„ჩემთვის „სტეინვეი” მხოლოდ ინსტრუმენტი არ არის. ის არის ჩემი პარტნიორი და საშუალება, რომელსაც ჩემი ხელოვნება იმ სამყაროში აჰყავს, რომელიც სხვა ყველაფრისგან ხელშეუხებელია. მე არა მხოლოდ ვუკრავ, არამედ ვქმნი” – ვკითხულობთ გიორგი გიგაშვილის ციტატას Steinway & Sons-ის ოფიციალურ ვებგვერდზე.
