რამდენიმე თვიანი ლოდინის შემდეგ, BLACKPINK-ის ვარსკვლავმა სადებიუტო სოლო ალბომი წარადგინა. მასში 15 სიმღერაა გაერთიანებული, მათ შორის კოლაბორაციები Megan Thee Stallion-თან, Future-თან და სხვა არტისტებთან.
ალბომში წარმოდგენილია უკვე გამოცემული სინგლები — Rockstar, New Woman, რომელიც კოლაბორაციული ნამუშევარია როზალიასთან ერთად, Moonlit Floor (Kiss Me) და Born Again Doja Cat-თან და RAYE-სთან ერთად. Alter Ego-ში LISA ხუთ სხვადასხვა პერსონას აერთიანებს: Roxi, Kiki, Vixi, Sunni და Speedi.
„ეს ხუთი პერსონაჟი მე თავად ვარ, თითოეულთან ვგრძნობ კავშირს,“ — განაცხადა მან Sean Evans-თან ინტერვიუში Hot Ones-ზე.
„მგონია, რომ შემიძლია საკუთარი თავი სრულიად სხვა ვერსიით წარვადგინო და ეს ძალიან სახალისოა, ვერ ვითმენ, როდის მოუსმენენ
გულშემატკივრები ამ ალბომს, რათა ისიამოვნონ და ჩემი სხვა მხარეც გაიცნონ.“ – განაცხადა არტისტმა.
Alter Ego-მდე, მომღერალს მხოლოდ ორი სოლო სინგლი ჰქონდა გამოცემული: 2021 წლის LALISA და MONEY, ორივე მათგანი Billboard Hot 100-ის ჩარტში მოხვდა. Liza იმავე წელს, DJ Snake-ის
ჰიტში SG, OZUNA-სთან და რეპერ HISS-თან ერთად გამოჩნდა, რომელიც Alter Ego-ში, სიმღერა Rapunzel-ში მონაწილეობს.
BLACKPINK-ის ჯგუფის რამდენიმე წევრს, ბოლო თვეების განმავლობაში სოლო
სიმღერების სეტი უკვე ჰქონდა გამოცემული. ROSÉ-მა პირველი სოლო ალბომი rosie დეკემბერში გამოუშვა, რასაც ორი თვის შემდეგ მოჰყვა JISOO-ს EP სახელწოდებით AMORTAGE.
JENNIE-ც მალე შეუერთდება მათ სადებიუტო ალბომით Ruby, რომლის გამოსვლაც 7 მარტს არის დაგეგმილი.
BLACKPINK-მა თებერვალში 2025 წლის ზაფხულის მსოფლიო ტური დააანონსა. ეს იქნება ჯგუფის პირველი ერთობლივი ტურნე 2022-2023 წლების Born Pink World Tour-ის შემდეგ, რომელიც Billboard 200-ის ლიდერი ალბომის, Born Pink-ის მხარდასაჭერად ჩატარდა.
ნოემბერში, Billboard-ის გარეკანზე გამოჩენისას, LIZA-მ აღნიშნა, რომ მოუთმენლად ელის ჯგუფის სხვა წევრებთან შეხვედრას: „ჩვენ ერთმანეთთან ძალიან ახლოს ვართ და
ვიცით, რამდენ ენერგიას ვდებთ თითოეულ პროექტში. ჩვენ ყოველთვის ვუჭერთ მხარს ერთმანეთს და მოტივაციას ვუმაღლებთ. ვეუბნებით: ისინი ჩემი ოჯახის წევრები არიან. მიხარია, რომ თითოეული მათგანი სოლო ნამუშევრებზე მუშაობს. ეს ის არის, რაც ყოველთვის გვინდოდა, ამიტომ უბრალოდ მინდა ვთქვა, რომ მათი სიმღერები ძალიან მიყვარს.“ – განაცხადა LIZA-მ.
მოუსმინეთ LIZA-ს ახალ ალბომს Alter Ego:
