ჰოლივუდში, Dolby Theater-ში ამერიკის კინოაკადემიის 97-ე ყოველწლიურ დაჯილდოება გაიმართა. დაჯილდოებაზე დენიელ ბლუმბერგმა საუკეთესო ორიგინალური საუნდტრეკის კატეგორიაში The Brutalist-ის მუსიკის შექმნისთვის ოსკარის ჯილდო მოიპოვა.
ბლუმბერგისათვის ეს ამერიკის კინოაკადემიის დაჯილდოების პირველი ნომინაცია იყო. 35 წლის კომპოზიტორი 2022 წელს უკვე უკვე ფლობდა Ivor Novello Award-ის ჯილდოს საუკეთესო ორიგინალური ფილმის მუსიკისთვის (The World To Come). ფილმი The Brutalist ოსკარზე 10 ნომინაციით იყო წარდგენილი. ბლუმბერგის გამარჯვებამდე ფილმმა კიდევ ერთი ჯილდო მოიპოვა – საუკეთესო ოპერატორული ნამუშევრისთვის.
„უკვე 20 წელია, რაც ხელოვანი ვარ – მოზარდობიდან მოყოლებული,“ – თქვა ბლუმბერგმა დაჯილდოებისას. „როდესაც ბრედის (რეჟისორი ბრედი კორბეტი) შევხვდი, ჩემს ნამდვილი შემოქმედებითი სულიერი მეგობარი ვიპოვე.“ ბლუმბერგმა ასევე მადლობა გადაუხადა ფილმზე მომუშავე „შრომისმოყვარე და რადიკალურად განსხვავებულ მუსიკოსებს“, რომლებმაც მისი კომპოზიცია გააცოცხლეს.
ბლუმბერგის ნამუშევარი ნომინირებული იყო ისეთ ფილმებთან ერთად, როგორებიც არის: Conclave, Emilia Pérez, Wicked და The Wild Robot. იმავე საღამოს საუკეთესო ორიგინალური სიმღერის კატეგორიაში გაიმარჯვა კომპოზიციამ El Mal ფილმიდან Emilia Pérez.
The Brutalist ასევე ნომინირებული იყო საუკეთესო ფილმის, საუკეთესო მსახიობის, საუკეთესო მეორეხარისხოვანი მსახიობისა და მსახიობი ქალის, საუკეთესო რეჟისორის, ორიგინალური სცენარის, ოპერატორული ნამუშევრის, მონტაჟისა და მხატვრული გაფორმების კატეგორიებში. აღსანიშნავია, რომ The Brutalist-ში შესრულებული როლისათვის ოსკარი მიიღო ედრიენ ბროუდიმაც.
2025 წლის ამერიკის კინოაკადემიის დაჯილდოებას კომიკოსი კონან ო’ბრაიენი გაუძღვა – ეს მისი პირველი გამოცდილება იყო ოსკარის ცერემონიის წამყვანის ამპლუაში. დაჯილდოება პირდაპირ ეთერში გადაიცა ABC-ის არხზე, ასევე პირველად პირდაპირ რეჟიმში გაეშვა სტრიმინგ სერვის Hulu-ზე.
