Coco მეორე ნაწილით ბრუნდება. უოლტ დისნეის კომპანიის აღმასრულებელმა დირექტორმა 20 მარტს განაცხადა, რომ „პიქსარის” სტუდიაში Coco 2-ზე მუშაობა უკვე მიმდინარეობს.
„მიუხედავად იმისა, რომ ფილმი ჯერ კიდევ საწყის ეტაპზეა, უკვე ვიცით, რომ ის სავსე იქნება იუმორით, გულითა და თავგადასავლებით,” – აღნიშნა ბობ იგერმა შეხვედრაზე.
ანიმაციური ფილმის პირველი ნაწილის მოგებამ მსოფლიოს მასშტაბით 814 მილიონი დოლარი შეადგინა. ის გახდა ორი ოსკარის მფლობელი: საუკეთესო ანიმაციური ფილმისა და საუკეთესო სიმღერისთვის (Remember Me). საუკეთესო ანიმაციური ფილმის ნომინაციაში Coco-მ ოქროს გლობუსი და ბაფტაც დაიმსახურა.
Coco „პიქსარის” პირველი ანიმაციაა, რომლის მთავარი გმირი უმცირესობის წარმომადგენელია. ის ასევე არის ერთ-ერთი ყველაზე დიდი ამერიკული პროდუქტი, რომელიც თითქმის სრულად ლათინური დასისგან შედგება.
Coco 2, არსებული ინფორმაციით, 2029 წელს გამოვა.
