19 მარტს სუპერვარსკვლავმა Lizzo-მ ინსტაგრამზე განაცხადა, რომ მისი მომავალი ალბომი Love in Real Life ოფიციალურად დასრულებულია. „ალბომი მზადაა, ხალხო!“ – დაწერა მან და პოსტს სტუდიაში გადაღებული ფოტო დაურთო.
Lizzo 12 აპრილს, შაბათის ღამის შოუში – SNL-ზე მუსიკალური სტუმრის რანგში უკვე მეოთხედ გამოჩნდება. შოუს წამყვანი კი ჯონ ჰამია. არტისტის დებიუტი SNL-ზე 2019 წელს შედგა, შემდეგ კი, 2022 წელს ის შოუში ორჯერ იყო მიწვეული.
ბოლო ინტერვიუში Lizzo-მ ალბომის შთაგონების წყარო გაამხილა. „ვერავის მოვატყუებთ და ვერ ვიტყვით, რომ მაიკლ ჯექსონმა Love in Real Life-ის ვიდეოზე დიდი გავლენა არ მოახდინა. ასევე, ბიონსე და მისი ალბომების ვიზუალი, ის სულ ასე აკეთებს და ჩემთვის ეს საშინლად მაგარია.“
ნახეთ Lizzo-ს ინსტაგრამ პოსტი:
