მოცეკვავე მაშო სიდამონიძე ცეკვის საერთაშორისო კონკურსში მონაწილეობს, გამარჯვების შემთხვევაში კი მას შანსი ეძლევა, ცნობილი ამერიკელი მომღერლისა და სიმღერების ავტორის Ciera-ს მუსიკალურ ვიდეოში იცეკვოს.
„ვმონაწილეობ ცეკვის კონკურსში, სადაც შანსი მაქვს, რომ მოვხვდე ერთ-ერთი ყველაზე ცნობილი მუსიკოსის, Ciera-ს ვიდეოში, როგორც მოცეკვავე. მგონია რომ ეს ძალიან მაგარი რამ არის ჩემი პროფესიული წინსვლისთვის და მგონია, რომ საქართველოსთვისაც რაღაცას ვაკეთებ, იმიტომ, რომ ქვეყნიდან ერთადერთი მონაწილე ვარ ამ კონკურსის. ამიტომ, მინდა გთხოვოთ მხარდაჭერა, რისთვისაც მხოლოდ ერთი რამ არის საჭირო – გადახვიდეთ ბმულზე და მომცეთ ხმა”. – ამბობს მაშო ინსტაგრამზე გავრცელებულ ვიდეო მიმართვაში.
აღსანიშნავია, რომ ქართველი მოცეკვავე უკვე ნახევარფინალშია, სადაც ხმები განულდა. გამარჯვების შემთხვევაში ის ცოცხალ კასტინგზე მოხვდება და საბოლოოდ მიეცემა შანსი, Ciara-ს მუსიკალურ ვიდეოში მონაწილეობა მიიღოს. ხმის მიცემა შესაძლებელია 24 საათში ერთხელ. საერთაშორისო კონკურსში ხმის მიცემა 27 მარტს დასრულდება, ამიტომ, გადადით ბმულზე და მხარი დაუჭირეთ ქართველ მოცეკვავეს!
