მაშინ, როცა Tyler, The Creator-ის ახალი ალბომის, Chromakopia-ს მსოფლიო ტურნე სწორედ რეპერის 2024 წლის ჩანაწერს ეძღვნება, ერთ-ერთმა ფანმა მკაფიოდ დააფიქსირა – როგორც ონლაინ, ასევე პირადად – რომ სურს, კონცერტზე ერთი სიმღერა მაინც მოისმინოს ტაილერის სხვა ალბომიდან.
22 მარტს ორლანდოში გამართულ შოუზე აღნიშნულმა ფანმა დარბაზში ალბომ Cherry Bomb-ში შემავალი სიმღერის, Deathcamp-ის ღიღინი დაიწყო. შემდეგ კი სოციალურ ქსელში დაწერა: „შაბათს კონცერტზე Cherry Bomb-ის ღიღინი დავიწყე და დღესაც იმავეს ვაპირებ. ლაივში მსურს Deathcamp-ის მოსმენა.”
პოსტს კი მაიამის შოუმდე თავად ტაილერი გამოეხმაურა და აღნიშნა, რომ მსმენელის მოთხოვნების გამო ყველა კონცერტის პროგრამის შეცვლას არ აპირებს. „იმღერეთ, რაც გინდათ (იმედი მაქვს, ამას არ იზამთ, რადგან შოუს დროს ძალიან შემაწუხებელია), მე მას მაინც არ შევასრულებ. თქვენი ღიღინი ჯადოსნურად არ მომანდომებს მის დაკვრას.”
ამ საკითხზე ფანების აზრი ორად გაიყო. ნაწილს მაინც სურს სიმღერის მოსმენა, დანარჩენი კი ტაილერს მხარდაჭერას უცხადებს. „თუ არ სურს Deathcamp-ის დაკვრა, ნუ ეცდებით, დააძალოთ, ეს არც ისე რთულია,” – დაწერა ერთ-ერთმა გულშემატკივარმა. „უბრალოდ დაამატე პროგრამაში. არ გვაინტერესებს, შენ გინდა თუ არა, ის ხომ გულშემატკივრების სიამოვნებისთვის დაწერე? ხალხი ფულს იხდის შენს შოუებზე მოსასვლელად და რატომ არ ამატებ სიმღერას, რომლის მოსმენაც მათ სურთ? ყველაფერი, რაც გაქვს, იმის დამსახურებაა, რომ ფანები თავიანთი შრომით მოპოვებულ ფულს იმაში ხარჯავენ, რომ პარიკებში გნახონ,” – ვკითხულობთ სხვა კომენტარში.
Deathcamp მთავარი სინგლია ტაილერის 2015 წლის ალბომში Cherry Bomb. Chromakopia-ს მსოფლიო ტურნეს შემდეგი კონცერტი 26 მარტს შარლოტში გაიმართება.
ნახეთ Tyler, The Creator-ის პოსტი.
