K-pop-ის გოგონათა ჯგუფ aespa-ს კარიერის განმავლობაში ყველაზე წარმატებული წელი ჰქონდა. მათი ექვსი პროექტი Billboard 200-ის ტოპ 50-ში მოხვდა და MAMA Awards-ზე წლის სიმღერის ჯილდო მიიღეს სინგლისთვის Supernova. 2025 წლის Billboard Women in Music ღონისძიებაზე aespa-მ წლის ჯგუფის ჯილდო მიიღო.
აღფრთოვანებული გულშემატკივრების მხარდამჭერი ბანერების და შეძახილების ფონზე, K-pop ჯგუფის წევრები Winter, Karina, Ningning და Giselle YouTube Theater-ის სცენაზე ავიდნენ. – „ჩვენ გვინდა, ყველა ქალს, რომელიც თავის ოცნებებს მისდევს, წარმატება ვუსურვოთ. იმედი გვაქვს, თითოეული მათგანი თავისი სრული პოტენციალის წარმოჩენას შეძლებს. მუსიკა მართლაც გვაერთიანებს, ჩვენ უსაზღვროდ მადლიერები ვართ, რომ ამ მოგზაურობის ნაწილი ვართ.“ – თქვა K-pop-ის წევრმა Giselle-მ სამადლობელ სიტყვაში.
„ჩვენ ვერ დავივიწყებთ ჩვენს გულშემატკივრებს, იმედია, იცით, რომ ეს ჯილდო თქვენ გეკუთვნით. თქვენი სიყვარული და მხარდაჭერა კი ოცნების საშუალებას გვაძლევს.” – დაამატა Giselle-მ.
მიუხედავად იმისა, რომ 2024 წელს aespa-მ არაერთი მწვერვალი დაიპყრო, Karina-მ მიანიშნა, რომ წინ კიდევ უფრო დიდი გამოწვევებია. Winter-მა კი დაამატა: „ჩვენ ერთად გავიზიარეთ უამრავი დაუვიწყარი მომენტი, მაგრამ მტკიცედ მწამს, რომ ეს მხოლოდ დასაწყისია. ჩვენ მხოლოდ ახლა ვიწყებთ.“
K-pop ჯგუფის წევრმა Ningning-მა პატივისცემით მოიხსენია ღონისძიებაზე მყოფი ქალი არტისტები: „ბედნიერები ვართ, რომ აქ ვართ, ამდენ შესანიშნავ ქალ არტისტთან ერთად.“
K-pop-მა შოუ ბრწყინვალე შესრულებით დახურა, – ბენდმა Whiplash-ის ინგლისური ვერსია შთამბეჭდავი და ენერგიული ცეკვის თანხლებით იმღერა.
ნახეთ aespa-ს სამადლობელი სიტყვა Billboard Women in Music 2025-ზე:
