29 მარტს YouTube Theater-ში Billboard Women In Music-ის ღონისძიება გაიმართა, სადაც მუსიკალური ინდუსტრიის წარმომადგენლებმა, გავლენიანმა აღმასრულებელმა პროდიუსერებმა და სხვადასხვა ცნობილმა სახემ მოიყარა თავი.
წელს დაჯილდოებაზე გრეისი აბრამსმა პირველად მიიღო წლის სიმღერების ავტორის ჯილდო, რომელიც მას ვიქტორია მონეტმა გადასცა. „ეს საოცარი არტისტი, სულ მცირე, ოთხი მიმართულებითაა გამორჩეული, ის არაჩვეულებრივი ტექსტების ავტორი, შეუდარებელი ვოკალისტი, ინოვაციური პროდიუსერი და საოცარი მოცეკვავეა. მისი ნიჭი ყოველდღიურად მაოცებს.” – განაცხადა ვიქტორია მონეტმა, რომელმაც გასული წლის Women in Music-ის ღონისძიებაზე ამომავალი ვარსკვლავის ტიტული მიიღო.
სანამ გრეისი აბრამსი ჯილდოს მიიღებდა, ჰიტი I Love, I’m Sorry შეასრულა, რომელიც მის მეორე ალბომ The Secret of Us-შია შესული. არტისტმა ალბომი საუკეთესო მეგობართან და კოლეგასთან, ოდრი ჰობერტთან ერთად ჩაწერა, რომელიც დარბაზში გრეისის დედასთან და მის მენეჯერთან ერთად იმყოფებოდა.
„ჩემს საუკეთესო მეგობარს და ყველაზე ჭკვიან ოდრი ჰობერტს მინდა მადლობა გადავუხადო. შენი დამსახურებაა, ვინც ახლა ვარ. ჩვენი ალბომი სწორედ შენი წყალობით არის ასეთი. შენამდე არც ერთი სიმღერა არ მქონდა დაწერილი. შენ კი დამეხმარე, რომ ამ ალბომში ყველა ის გრძნობა ჩამედო, რაც გულში მქონდა.“ – აღნიშნა გრეისი აბრამსმა.
არტისტმა სამადლობელ სიტყვაში ტექსტების ავტორი სარა აარონსიც მოიხსენია, ხოლო ტეილორ სვიფტზე თქვა: „არასდროს დავიღლები მადლიერებით მისი ჯადოსნური კალმისადმი, მისი სიტყვები ჩემზე ძალიან დიდ გავლენას ახდენენ.“
ნახეთ გრეისი აბრამსის სამადლობელი სიტყვა Billboard Women in Music 2025-ზე:
