არიანა გრანდე გულწრფელი აღფრთოვანებით შეხვდა ჰოლი ბეილის მიერ შესრულებულ Hampstead-ის ქავერს. ეს სიმღერა ექვსი ახალი კომპოზიციიდან ერთ-ერთია, რომელიც შევიდა გრანდეს ალბომში – Eternal Sunshine Deluxe: Brighter Days Ahead. ალბომმა Billboard 200-ის ჩარტის ლიდერი პოზიცია დაიკავა.
ინსტაგრამზე გავრცელებულ ვიდეოში The Little Mermaid-ის ვარსკვლავი ამ ემოციურ ბალადას სტუდიაში ასრულებს და თან გიტარაზე უკრავს. „მშვენიერია,“ – დაწერა გრანდემ კომენტარების ველში და ვიდეო საკუთარ Story-შიც გააზიარა.
„Hampstead არიანას დელუქს ალბომიდან ჩემი საყვარელი სიმღერაა,“ – აღნიშნა ჰოლი ბეილიმ ვიდეოს აღწერაში.
Hampstead-მა მიმდინარე კვირაში Billboard Hot 100-ის ჩარტში 59-ე პოზიციაზე დაიკავა. ეს სიმღერა ალბომის ახალ გამოცემაში შევიდა, რომელიც 28 მარტს გამოვიდა. გრანდეს დელუქს ვერსია ასევე მოიცავს სხვა ახალ კომპოზიციებსაც: Intro (End of the World) – Extended, Twilight Zone, Warm, Dandelion და Past Life.
სიმღერა ლონდონის რაიონის სახელს ატარებს, სადაც გრანდე, სავარაუდოდ, მაშინ ცხოვრობდა, როცა Wicked-ის გადაღებები მიმდინარეობდა. მიიჩნევა, რომ ეს ალბომი გრანდემ ყოფილ მეუღლესთან, დალტონ გომესთან დაშორებას მიუძღვნა.
ბეილის ქავერი რამდენიმე თვის შემდეგ გამოქვეყნდა, რაც ის და რეპერი DDG ერთმანეთს დაშორდნენ. წყვილის ურთიერთობა ორ წელზე მეტხანს გაგრძელდა. მათ საერთო შვილიც ჰყავთ.
„დიდი ფიქრისა და გულწრფელი საუბრის შემდეგ, მე და ჰალიმ გადავწყვიტეთ, ჩვენი გზები გაიყოს. ეს მარტივი არ ყოფილა, მაგრამ მიგვაჩნია, რომ ორივესთვის საუკეთესო გადაწყვეტილებაა. ვაფასებ იმ დროს, რომელიც ერთად გავატარეთ, და სიყვარულს, რასაც ვიზიარებდით,“ – დაწერა სოციალურ ქსელში DDG-მ.
თებერვალში DDG-ის მიერ გამოშვებულ სიმღერაში გარკვეული მინიშნებები გაჩნდა. სავარაუდოდ, DDG წუხს იმის გამო, რომ შვილთან შეხვედრის უფლება არ აქვს.
მუსიკალური ნამუშევრები ჰალი ბეილიმაც გამოსცა. ვალენტინობის დღეს მან სიმღერა Back and Forth გამოუშვა, მანამდე კი, აგვისტოში, სინგლები – Because I Love You და Angel გაავრცელა.
იხილეთ ბეილის ვიდეო, რომელშიც ის Hampstead-ის ქავერს ასრულებს:
