16 აპრილს ჟურნალ Time-ში Snoop Dogg-ის ინტერვიუ გამოქვეყნდა, რასაც წინ უძღოდა მისი დასახელება გამოცემის რუბრიკაში – „100 ყველაზე გავლენიანი ადამიანი“.
კითხვაზე, როგორ ახერხებს წარმატებით იმუშაოს სხვადასხვა ბრენდებთან, არტისტმა უპასუხა, რომ ამას ფილანთროპიული მიდგომით ახერხებს: “დარწმუნებული უნდა ვიყო, რომ ისინი მხარს უჭერენ და იზიარებენ იმ საზოგადოებრივ ინიციატივას, რომელიც მაქვს. ეს შეიძლება მოხდეს უხმოდ ან ხმამაღლა, მაგრამ ეს არის ერთგვარი შეთანხმების ნაწილი…”
ამ მომენტში Snoop Dogg-ს საქმიანი თანამშრომლობები შეჩერებული აქვს და ქანთრი მომღერალ ერნესტთან ერთად სტუდიაში მუშაობს. 9 აპრილს მათ ახალი სიმღერა Gettin’ Gone გამოსცეს, რომელიც ერნესტის მომავალი პროექტის პირველი რელიზია. პროექტი ახალ ლეიბლ DeVille Records-ის მეშვეობით გამოვა, რომელიც Big Loud Records-თან თანამშრომლობით არის შექმნილი. Gettin’ Gone-ის ავტორები ერნესტი, Snoop Dogg, ბენ ჰეისლიპი, რეტ აკინსი და მარკ ჰოლმანი არიან, პროდიუსერი კი ჯეიკობ დურეტია.
Snoop Dogg-მა ცოტა ხნის წინ ახალი ალბომი Altar Call დააანონსა, რომლის გამოშვებაც 27 აპრილს არის დაგეგმილი.
