18 აპრილს Vevo-ს გადაცემა Footnotes-ის ახალი ეპიზოდი გამოქვეყნდა, სადაც მერაია ქერი იყო მიწვეული. პოპვარსკვლავმა 2005 წლის ჰიტ სიმღერის, We Belong Together-ის მუსიკალურ ვიდეოზე საუბრისას გულშემატკივრებს გაუმხილა, რომ საქორწილო კაბა, რომელიც კლიპში აცვია, მისი პირველი ქორწინებიდანაა.
მერაია ქერიმ Vevo-სთან საუბარში განმარტა, თუ როგორ შეიქმნა მისი კინემატოგრაფიული ვიდეო, რომელშიც „გაქცეულ პატარძალს“ თამაშობს
„რადგან ერთი სცენა საქორწილო კაბაში უნდა გადამეღო, გადავწყვიტეთ, რომ უაზროდ ბევრი ფული არ დაგვეხარჯა და უბრალოდ, ის გამოვიყენეთ, რაც სახლში მქონდა შენახული!“ – თქვა მერაია ქერიმ.
მომღერალი 1993 წელს დაქორწინდა ტომი მოტოლაზე, – Columbia/Sony Music-ის აღმასრულებელ დირექტორზე, რომელიც მაშინ მერაია ქერის ლეიბლს წარმოადგენდა. წყვილმა ხუთწლიანი თანაცხოვრების შემდეგ ურთიერთობა დაასრულა, 2005 წელს კი მომღერალმა ჰიტი We Belong Together უკვე ახალი ლეიბლით – Island Records-ით გამოსცა.
სიმღერა Billboard Hot 100-ის პირველ ადგილზე 14 კვირის განმავლობაში ლიდერობდა. ამავე წელს გამოცემული ალბომი The Emancipation of Mimi კი Billboard 200-ის სათავეში ორი კვირის განმავლობაში პოზიციონირება. ორი ათწლეულის შემდეგ, “2005 წლის 100 საუკეთესო ჰიტის” სიაში ეს ტრეკი მესამე ადგილზე მოხვდა.
„მიხარია, რომ ლეიბლი მენდო და მომცა საშუალება, ასეთი დიდი და დრამატული კლიპი გადამეღო. კიდევ უფრო მახარებს ის, რომ ვიდეო უამრავ ადამიანს შეეხო და ამ სიმღერას დღემდე უსმენენ.” – ამბობს მომღერალი Vevo-ს გადაცემა Footnotes-ში.
ალბომ The Emancipation of Mimi-ის 20 წლის იუბილესთან დაკავშირებით, მერაია ქერიმ განაცხადა, რომ ალბომის ახალი, ვერსია მალე გამოვა. ის ორ დისკად გამოიცემა და შეიცავს ბონუს ტრეკებს, ძველ და ახალ რემიქსებს, კოლაბორაციებს, აკაპელა ვერსიებსა და ცოცხალ ჩანაწერებს. ალბომი 30 მაისს Def Jam Records/UMe-ს საშუალებით გამოვა.
ნახეთ მერაია ქერის მუსიკალური ვიდეო We Belong Together:
