ვიდეო, რომელიც პარასკევს, 18 აპრილს გამოვიდა, სრულიად ჩვეულებრივად იწყება: Doechii თავის ოთახში მუსიკაზე მუშაობს, მაგრამ მოულოდნელად ყველაფერი იცვლება: ფანჯრიდან S.W.A.T.-ის ჯგუფის წევრები იჭრებიან და ქაოსი იწყება.
2019 წელს YouTube-ზე Anxiety-ს ვიდეო გამოვიდა, სადაც Gotye-ს 2011 წლის ჰიტის Somebody That I Used to Know-ს სემპლია აღებული, თუმცა უნდა ითქვას, რომ მაშინ ეს ვიდეო ფართო მასებისთვის არ იყო ხელმისაწვდომი. მხოლოდ 2024 წლის მარტში Doechii-მ სიმღერა სტრიმინგ პლატფორმებზე გამოსცა და ოფიციალურად გაავრცელა.
სიმღერამ Billboard Hot 100-ზე მეათე ადგილი დაიკავა.
ჯეიმს მაკკელის რეჟისორობით გადაღებული ვიდეოკლიპის ერთ-ერთ ეპიზოდში Doechii მარცხნივ იხედება და ხედავს მამაკაცსა და ქალს, რომლებიც გეომეტრიული ფიგურებით არიან მოხატული, ეს კი პირდაპირ მიანიშნებს სიმღერაზე – Somebody That I Used to Know.
Anxiety-ს ვიდეო 8 თვის შემდეგ გამოჩნდა, რაც Doechii-მ თავისი მიქს კასეტა Alligator Bites Never Heal გამოსცა. მან Billboard 200-ზე მე-12 ადგილი დაიკავა, ამასთან, Doechii გახდა მესამე ქალი არტისტი, რომელმაც გრემის დაჯილდოებაზე საუკეთესო ჰიპ-ჰოპ ალბომის ნომინაცია მიიღო. მარტში კი Billboard Women in Music Awards-ზე „წლის ქალის” ტიტულით დაჯილდოვდა.
ნახეთ Anxiety-ის მუსიკალური ვიდეო:
