კანიე უესტს ტვიტერზე პოსტვისგან არც აღდგომის დღეს დაუსვენია. ამჯერად სკანდალურმა არტისტმა ფანებს გაუმხილა, რომ მას და მის მენტორ ჯეი-ზის უთანხმოება ჰქონდათ ტექსტზე, რომელიც კანიეს მიერ Make America Great Again-ის ქუდის ტარებას ეხებოდა. სიმღერაში Jail, რეპერის 2021 წლის ალბომიდან Donda, ჯეი-ზი რეპავს: Hol’ up, Donda, I’m with your baby when I touch back road/ Told him, ‘Stop all of that red cap, we goin’ home’.
როგორც ჩანს, კანიეს სიმღერიდან აღნიშნული სტრიქონის ამოღება სურდა, მაგრამ ჯეი-ზიმ ამის ნება არ დართო. „რატომ უნდა ეთქვა ჯეი-ზის: არა წითელ კეპს?” – დაწერა უესტმა უკვე წაშლილ ინსტაგრამ პოსტში. „ამან სული გამიგლიჯა. ჩვენ ვიჩხუბეთ და მან მითხრა, რომ ან ამ სტრიქონს დავტოვებდი, ან მის სტროფს მთლიანად ამოვიღებდი. მე წითელი კეპით – ეს ყველაზე თვალსაჩინო მაგალითი იყო იმისა, რომ მე „სისტემის” წინააღმდეგ მივდიოდი. ხომ არ ფიქრობთ, რომ ეს მისი დავალება იყო?”
Ye reveals he argued with Jay-Z about his “no red hat” line in his verse on “Jail,” and Jay told him to either keep that line in or scrap the verse entirely pic.twitter.com/b1bLOMHca1
— Akademiks TV (@AkademiksTV) April 21, 2025
პრეზიდენტ ტრამპთან აფილირება კანიემ 2016 წელს, Saint Pablo-ს ტურნეს დროს დაიწყო, როცა განაცხადა, რომ საპრეზიდენტო არჩევნებში მონაწილეობის შემთხვევაში ხმას ტრამპს მისცემდა. მას შემდეგ უესტმა აქტიურად დაიწყო ტრამპის Make America Great Again-ის ქუდის ტარება, მიუხედავად იმისა, რომ ამის გამო კოლეგებისა და ფანების მხრიდან კრიტიკა დაიმსახურა. ერთ-ერთი ასეთი კოლეგა ფრენკ ოუშენი იყო, რომელიც, კანიეს თქმით, ცდილობდა, მისთვის ტრამპის მხარდაჭერა გადაეფიქრებინა.
გასულ თვეს უესტი მძაფრად გააკრიტიკეს ჯეი-ზისა და ბიონსეს შვიდი წლის ტყუპებზე დაწერილი პოსტის გამო, სადაც რეპერი ეჭვქვეშ აყენებდა ბავშვების გონებრივ შესაძლებლობებს. პოსტს არაერთი ცნობილი სახე გამოეხმაურა, მათ შორის იყო ბიონსეს მამა მეთიუ ნოულსი.
