როგორც აღმოჩნდა, SZA-ს სადებიუტო ალბომის წყალობით, წლების წინ Doechii-მ შეძლო, ყოფილ შეყვარებულთან ურთიერთობა დაესრულებინა.
ახლახან Doechii ჟურნალ Cosmopolitan-ის ყდაზე გამოჩნდა. ნომრის მთავარ ინტერვიუში არტისტმა გაიხსენა, როგორ დაეხმარა Ctrl-ის მოსმენა, რომ თავი დაეღწია მაშინდელი შეყვარებულისთვის, რომელიც, მისი თქმით, მის კრეატიულობას ზღუდავდა. ამ დროს Doechii 18 წლის იყო. „შეყვარებული მყავდა, რომელსაც ჩემი მუსიკა არ მოსწონდა და ეს ძალიან მიშლიდა ხელს,“ – უამბო მან გამოცემას. როგორც რეპერმა გაამხილა, ყოფილი მეგობარი ბიჭის გავლენამ მას მუსიკის წერაც კი შეაწყვეტინა. „მის აზრს ზედმეტად სერიოზულად ვეკიდებოდი. მას უბრალოდ არ ესმოდა, რას ვაკეთებდი,” – თქვა Doechii-მ ინტერვიუში.
„მახსოვს, პირველად, როცა SZA-ს Ctrl-ს მოვუსმინე, იმ მომენტში მივიღე გადაწყვეტილება, რომ დავშორებულიყავი. ამას იმიტომ ვამბობ, რომ SZA-მ შთამაგონა, როგორ ვყოფილიყავი მუსიკაში გულწრფელი და სენსიტიური, რაც მანამდე ვერ წარმომედგინა.“
ამ გადაწყვეტილებიდან რვა წლის შემდეგ, Doechii გახდა მესამე ქალი, რომელმაც რეპის საუკეთესო ალბომისთვის გრემი მოიგო – ჯილდო მას თებერვალში გადაეცა მიქსტეიპისთვის Alligator Bites Never Heal გადაეცა. მარტში Billboard-მა ის 2025 წელს წლის ქალად დაასახელა. ახლა Doechii სხვა ურთიერთობაშია – ამჯერად მისი რჩეული ქალია. „ჩემი არსებობა, როგორც შავკანიანი ქვიარ ქალისა, უკვე მნიშვნელოვანი განაცხადია ჰიპ-ჰოპის ჟანრში.“
„შავკანიანი ქვიარ ქალის პერსპექტივიდან გულწრფელად ვსაუბრობ და საკუთარი ცხოვრების ამ ხედვით გადმოცემა ჩემთვის მნიშვნელოვანია,“ – აღნიშნა Doechii-მ.
ინტერვიუში Doechii სხვა გავლენიან არტისტს, ბიონსესაც შეეხო: „ის ლიდერის განსახიერებაა. ვაფასებ, როგორც წარმართავს თავის კარიერას.”
იხილეთ Doechii-ს ფოტო Cosmopolitan-ის ყდაზე:
