პრესასთან საუბრისას ტინა ნოულსმა გაიხსენა პერიოდი, როცა ბიონსეს პირველ ორსულობას უარყოფითი გამოხმაურება და ცრუ ბრალდებები მოჰყვა.
People-თან ინტერვიუში, რომელიც ნოულსის ახალი მემუარების – Matriarch-ის გამოსვლის დღეს, 22 აპრილს გამოქვეყნდა, ტინამ წარსულ გამოცდილებაზე ისაუბრა. უფრო კონკრეტულად კი გაიხსენა 2011 წელი, როცა გავრცელდა ხმები, რომ ბიონსე ფეხმძიმობასთან დაკვშირებით იტყუებოდა.
„ძალიან მტკივნეული იყო იმის მოსმენა, როგორ ავრცელებდა ხალხი საშინელებებს და მთელ ჩემ ოჯახს სიცრუეში სდებდა ბრალს. თითქოს ყველა ჩართული ვიყავით ამ შეთქმულებაში და ვიტყუებოდით ისეთ რამეზე, რაც წმინდად მიგვაჩნდა. ეს იყო ერთ-ერთი ყველაზე რთული პერიოდი ჩემს ცხოვრებაში, რადგან ვერაფერს ვამბობდი. ბიონსე მეუბნებოდა: თუ ხმას ამოიღებ, უფრო მეტად გაამწვავებ ამბავს. და მართლაც, ეს ჭორი დიდხანს არ გაქარწყლდა,” – აღნიშნა ტინა ნოულსმა.
„ყველაზე მტკივნეული ჩემთვის ის არის, რომ არსებობენ ადამიანები, რომლებსაც ასე მოქცევა შეუძლიათ,“ – თქვა ნოულსმა და დაამატა, რომ პოპ-კულტურის გარშემო ჭორები მისთვის, როგორც დედისთვის, დღემდე გამოწვევად რჩება: ყოველთვის ვებრძვი სიცრუეს. ახლაც ვებრძვი. გამუდმებით ვრცელდება წარმოუდგენელი ჭორები.”
ხმები იმის შესახებ, რომ ბიონსე ორსულობის შესახებ იტყუებოდა, მას შემდეგ გავრცელდა, რაც ვარსკვლავი 2011 წელს ავსტრალიურ შოუში გამოჩნდა. ინტერვიუს დროს, როდესაც სტუმრის ადგილას დაჯდა, ზოგიერთ მაყურებელს მოეჩვენა, თითქოს მას ხელოვნური მუცელი ჰქონდა, რასაც ინტერნეტ სივრცეში კონსპირაციული თეორიები მოჰყვა. მაშინაც კი, როცა 2012 წლის იანვარში ბლუ აივი დაიბადა, ზოგიერთი მაინც ფიქრობდა, რომ ბიონსემ და ჯეი ზიმ შვილი სუროგატი დედის დახმარებით გააჩინეს. მაშინ ბიონსეს პიარმა ეს ხმები უარყო და ჭორებს „საშინლად სულელური და აბსურდული“
უწოდა. თავად ბიონსემ მოგვიანებით People-ს უთხრა: „ეს უბრალოდ სიგიჟე იყო.” დღეს ბიონსე და ჯეი ზი ბლუ აივისთან ერთად შვიდი წლის ტყუპების მშობლებიც არიან.
ახლახან The Independent-მა ტინა ნიულსის წიგნიდან ამონარიდები გამოაქვეყნა. „ყველაზე საშინელება ის იყო, რომ არავინ იცოდა, რამდენად მძიმე გზა გაიარა ბიონსემ რამდენიმე შეწყვეტილი ორსულობის შემდეგ. და როცა ბოლოს, როგორც იქნა, დაორსულდა და შეძლო, მუცლით შვილი ეტარებინა, მთელი სამყარო დასცინოდა და სტრესში ამყოფებდა. არავინ იცოდა, რისი გადატანა მოუხდათ ბიონსეს, ჯეის და მთლიანად ჩვენს ოჯახს.“ – წერს ნოულსი წიგნში Matriarch.
