ხუთშაბათს, 24 აპრილს ბენსონ ბუნმა ახალი სიმღერა Mystical Magical გამოუშვა, რომელიც პირველად ცოცხლად Coachella-ს ფესტივალზე შეასრულა. ეს რიგით მეორე სინგლია ბენსონ ბუნის მომავალი ალბომიდან American Heart, რომელიც Night Street Records/Warner Records-ის ლეიბლით 20 ივნისს გამოვა.
ბენსონ ბუნის დებიუტი Coachella-ზე 11 აპრილს შედგა, სადაც მან დაუვიწყარი შოუ მოაწყო, – ბენსომა სცენაზე Queen-ის გიტარისტი ბრაიან მეი მიიწვია და მათ 1975 წლის ლეგენდარული ჰიტი Bohemian Rhapsody შეასრულეს.
გარდა ამისა, არტისტმა ფესტივალზე პირველად შეასრულა ახალი სინგლი Mystical Magical.
ბენსონ ბუნმა სიმღერის ოფიციალური ვიდეოკლიპიც გამოაქვეყნა, რომლის რეჟისორიც მეთ ისტინია. მუსიკალურ ვიდეოში ბენსონი ფერადი ვიზუალური დეკორაციების ფონზე ცეკვავს.
ბენსონ ბუნის პირველი სინგლი ალბომიდან American Heart უკვე მოხვდა Billboard Hot 100-ის ტოპ 40-ში, სიმღერამ Pop Airplay ჩარტში მე-13 ადგილი დაიკავა.
არტისტი შაბათის ღამის შოუში მუსიკალური სტუმრის სტატუსით 3 მაისს წარდგება. მომღერალს ასევე დაგეგმილი აქვს რამდენიმე ფესტივალში მონაწილეობა, მათ შორის: Napa, BottleRock, Milwaukee, Summerfest და New York-ის Governors Ball.
მოისმინეთ ბენსონ ბუნის ახალი სინგლი Mystical Magical:
