ამერიკელი რეპერი მეგან ჯოვონ რუტ პუტი, სასცენო სახელით Megan Thee Stallion ახალ მუსიკალურ ეპოქას იწყებს სინგლით Whenever. სიმღერა 24 აპრილს გამოვიდა.
ეს მისთვის 2025 წლის პირველი მუსიკალური ნამუშევარია. სინგლის გამოსვლა არტისტმა Coachella-ს ფესტივალზე აპრილის დასაწყისში დააანონსა.
კვირის დასაწყისში რეპერმა სინგლის გარეკანი გამოაქვეყნა, რომელიც ვესტერნის სტილის პოსტერს ჰგავს, – მომღერალი ქოუბოის ქუდით არის გამოსახული, პოსტერზე კი წერია “It’s whatever b-, it’s whenever h-!”
ჯერ ცნობილი არ არის, შევა თუ არა სინგლი Megan Thee Stallion-ის მომავალ ალბომში Act: III, რომლის შესახებაც ინფორმაცია არტისტმა ცოტა ხნის წინ, TikTok Live-ის ლაივის დროს დაადასტურა.
„მართლა ვცდილობ გავარკვიო, ამ ეტაპზე ვისთან მინდა თანამშრომლობა. მხოლოდ იმ ადამიანებს მოვიაზრებ, ვისთანაც ჯერ არ მქონია კოლაბორაცია და ვის მუსიკასაც პირადად ვუსმენ.“- განაცხადა არტისტმა.
ალბომის შესახებ დეტალები ჯერ კიდევ გასაიდუმლოებულია, თუმცა Megan Thee Stallion-მა აღიარა, რომ Doechii-სთან თანამშრომლობა სურს.
წელს Coachella-ს ფესტივალზე Megan Thee Stallion-მა ერთ-ერთი ყველაზე დასამახსოვრებელი შოუ გამართა. მასთან ერთად სცენაზე ასევე წარდგნენ Queen Latifah, Ciara და Victoria Monét. სამწუხაროდ, Mamushi-ს შესრულების დროს მას მიკროფონი გამოურთეს. როგორც ჩანს, არტისტმა ფესტივალზე მისთვის გამოყოფილი დროის ლიმიტს გადააჭარბა.
მოისმინეთ Megan Thee Stallion-ის ახალი სინგლი Whenever:
