კანიე უესტი, რომელიც ასევე ცნობილია სახელით – Ye, ამჟამად ესპანეთში იმყოფება. დასვენების პარალელურად, არტისტი სოციალურ ქსელ X-ზე აქტიურობისთვისაც იცლის. რეპერმა ამჯერადაც უარყოფითად მოიხსენია კენდრიკ ლამარი და Tyler, the Creator. უესტმა მათ „ზედმეტად დაფასებული“ უწოდა და აღნიშნა, რომ რეპის წერითა და შესრულებით ერთ დონეზე დგანან.
„დამისახელეთ კარგი ფრაზა Tyler The Creator-ისგან. ერთი ნამდვილად კარგი ციტატა კენდრიკისგან. ისეთი, რომ მოგინდეს, შენი ნათქვამი ყოფილიყო,” – დაწერა უესტმა X-ზე.
Ye თავის პოსტებში ლილ უეინსაც შეეხო და აღნიშნა, რომ მას „ძალიან ბევრი“ კარგი სტრიქონი აქვს კენდრიკთან შედარებით. უესტმა აღნიშნა, რომ ლამარს თავის ტრეკში ისეთი რითმა არ აქვს, რომლის თქმასაც თვითონ ისურვებდა.
„კენდრიკ ლამარს გარეპვა არ შეუძლია. ლილ უეინს ბევრად უფრო ცოცხალი ფრაზები აქვს,” – წერს კანიე უესტი. „კენდრიკს არცერთი ფრაზა არ აქვს, რომელზეც ვიტყოდი – ნეტავ მე მეთქვა. კენდრიკი და ტაილერი ზედმეტად დაფასებული ე.წ. არტისტები არიან.”
უესტმა ლამარის წინააღმდეგ უარყოფითი პოსტების გავრცელება მას შემდეგ დაიწყო, რაც Playboi Carti-მ კენდრიკთან ახალი ალბომის, Music-ის ფარგლებში ითანამშრომლა და Ye პროექტიდან საერთოდ გამოტოვა. რაც შეეხება Tyler, the Creator-ს, ამ ეტაპზე უცნობია, რამ გამოიწვია უესტის მასთან დაპირისპირება. ჯერ კიდევ მარტში Ye სოციალურ ქსელ X-ზე წერდა, რომ ტაილერს „დასამახსოვრებელი სიმღერა არასდროს შეუქმნია“.
Ye-ს დამოკიდებულება ტაილერის მიმართ წარსულში სრულიად სხვაგვარი იყო. 2015 წელს, მათი ერთობლივი ტრეკის, Smuckers-ის გამოშვების შემდეგ უესტმა მას მადლობაც გადაუხადა.
იხილეთ Ye-ს პოსტები:
Name one good Tyler The Creator bar
— ye (@kanyewest) April 24, 2025
Name an actual good Kendrick line
Like you really wish you had said that level bar
Broooo
— ye (@kanyewest) April 24, 2025
Kendrick Lamar can not rap
Wayne got waaaay more life bars
I got more bars
Kendrick doesn’t have one bar where I say I wish I said that
Kendrick and Tyler the two most overrated so called artist
Please order more security 😅
